පළමු ආතල් එක - සයිබර් උලෙලේ ප්‍රථම තරගය ඇරඹේ..

සයිබර් උළෙලට සමරු කලාපයක් නිකුත් කෙරෙන්නේය. ඒ සදහා දැන්වීම්, සුභ පැතුම් ආදිය නොපමාව ලබා දිය යුතු බවට නිවේදනයක් පවා දියත් වූයේය. එය දුටු බොහෝ අය දැන්වීම් හා සුභ පැතුම් ලබා දීමට උත්සුක වූවෝය. 

ඒ සදහා අප හට ලැබුණු ඊමේල් එකේ සදහන් වූයේ මෙම කරුණුය..

2013 සයිබර් සිහින උළෙලේ සමරු කලාපය සඳහා ඔබගේ දැන්වීම මෙතෙක් අප වෙත ලැබී නැත. ඔබගේ දැන්වීමේ අඩංගු විය යුතු පණිවිඩයද මේ මස 10 වෙනි දිනට පෙර අප වෙත දන්වා එවන මෙන් ඉල්ලා සිටිමු. ඔබ විසින් සකස් කල දැන්වීමක් එවිය හැකිනම් වඩාත් පහසුය.

සමරු කලාපය සකස් කරනු ලබන්නේ B 5 ප්‍රමාණයෙන් වන අතර ඔබගේ දැන්වීම කළු සුදු ආකාරයෙන් සකස් කර එවන්න.

ඒ සමග ඔබගේ දායක මුදල ජාතික ඉතිරිකිරීමේ බැංකුවේ - ප්‍රධාන කාර්යාල ශාඛාවේ - "බ්ලොග් අවකාශයේ මිතුරෝ" ගිණුම් අංක 10001-11-71577 වෙත තැන්පත් කොට එම රිසිට්පතේ පැහැදිලි ඡායාරුපයක් හෝ ස්කෑන් ඡායාරුපයක් එවන්නේනම් බෙහෙවින් කෘතඥ වෙමු.

මෙය දුටු විට ප්‍රසිද්ධ බ්ලොග් කරුවෙකු බැංකුවට දිව ගියේ ඇඩ් එකක් ලබා දීමටය. හෙතෙම වහාම බැංකුවෙන් මුදල් තැන්පතු පත්‍රිකාවක් රැගෙන තම නම, තැන්පත් කරන මුදල් ප්‍රමාණය, හා බ්ලොග් අවකාශයේ මිතුරෝ ගිණුම් අංකය පැහැදිලිව ලියා අදාල කවුන්ටරයේ කෙල්ලට දික් කළේය. ඇය බොත්තම් ඔබා බලා බ්ලොග් කරුගේ මුහුණ බැලුවේය. 

“මේකෙ ඉලක්කම් තුනක් අඩුයිනේ..“

“ඈහ්.. එහෙම වෙන්න බැහැනේ..“

කියමින් නැවත ඔහු නම්බරය චෙක් කළේය. එය එසේම පත්‍රිකාවේ සදහන් වි තිබුනේය. ඔහු වහාම ඇමතුවේ සෑමාවය.

“බලපං බං අර නම්බර් එක වැරදි කියනවනේ..“

“වෙන්න බැහැනේ බං.. මාත් සල්ලි දැම්මනේ...“

නමුත් ඔහුකීවේ එය වැරදි බවය. නැතිනම් බැංකුවේ ප්‍රධාන ශාඛාවට අදාල අංකය හෝ ඉදිරියට පැමිණිය යුතු බවක්ය. ඔහු බැංකුව දෙවනත් කරමින් අදාල අංක තුන සොයමින් සිට තවත් පැය කාලකට පසු සෑමා ඇමතුවේය.

“මචං අරක හරි යන්නෙ නැහැ බං..“

“ඒක තමයි බං හරි.. වෙන්න බැහැනේ.. වරදින්න විදිහක් නැහැ..“

“ආයෙත් බලපං 10001-11-71577.. මේක නේද??“

“ඔව් බං ඒකම තමයි..“

“එතකොට බැංකුව Peoples Bank නේද?“

“පිස්සුද යකෝ... NSB එකට දාන්න ඕනෙ..“

එලෙස නිල වශයෙන් ප්‍රථම ආතල් එක සැපයූ එතුමා සමග බ්ලොග් අවකාශයේ මිතුරෝ, ජාතික තරුණ සේවා සභාවේ සම අනුග්‍රහයෙන් පවත්වන, සදාකාලික සහෝදරත්වයේ වින්දනීය හදගැස්ම 2013 සයිබර් සිහින බක්මහ උළෙල , අප්‍රේල් මාසෙ 21 වෙනිදා ( කාටත් පහසු නිවාඩු ඉරිදා දවසෙ) උදේ 9 ඉඳන් හවස 4 වෙනතුරු, මහරගම ජාතික තරුණ සේව සභා පිටියේ දී හමුවෙමු.

උළෙලට ඇතුළත් වීමේ ගාස්තුව ලෙස රුපියල් 200ක ප්‍රවේශ පතක් නිකුත් කෙරෙන අතර, සහභාගි වන සැමටම දිවා ආහාරය සහ සමරු කලාපයේ පිටපතක් ලබා දෙන්න දැනටමත් සංවිධායක මණ්ඩලය තීරණය කර ඇත.

තව විස්තර කියවන්න, ලියාපදිංචි වෙන්න, තරඟ වලට ඇතුලත් වෙන්න, ටී ෂර්ට් ඉල්ලුම් කරන්න වැඩි විස්තර කියවන්න...

http://cyberfestival.blogspot.com/2013/03/newyear2013.html

එහෙනං මේ මාසේ 21 වෙනි ඉරිදාට එන්න...

පලි-  උක්ත ආතල් එක ගැන ඇත්ත දැන ගැනීමට සභාපති ප්‍රදීප් මහතා හෝ අඩවි රජ අමතන්න...

Written_by_sAm_ශ්‍රී_Perera_07:18pm_09.04.2013

මෙතැනින්... අපේ සතුට ඇයට කොයිද? කියවන්න.....