ලකාට රෙද්දේ රෙවෙයි... - සෑමා - උමාට ආදරෙයි..

පුංචි කලේ බයිසිකල් පදිනකොට පාර පුරා සිටින බල්ලන් පස්සෙන් පන්නන්නේය. එවිට උන්ට වැඩ දමමින් සද්ද දමමින් දැගලුවේ පොඩි නිසාය. දැනුමක් නැති නිසාය. දැන් පාරේ යද්දී කාර් එක පස්සෙන්ද බල්ලෝ එලවන්නේය. ඒ ගැන පොඩි පෝස්ටුවක් දිනක් වැටුනේය. එහි තිබුනේ පාර අසල නිවසක බල්ලෙක් සෑමාගේ කාර් එක පසුපස දිනපතා බුරා පැන්න කතාවක්ය. බල්ලෙක්ට ලියමි ලෙස එය ලියැවුනේ බල්ලන්ට උත්තර දීමටවත්, ගේම ඉල්ලීමට වත් අවශ්‍ය නිසා නොවේය. එය හුදෙක් අහිංසක බලුපැටියෙකු නැති වීම නිසා මහ බැල්ලිය වාහනය පසු පස පැන්නූ ඉතා ලස්සන කතාවක් නිසාය. බල්ලන්ට පිලිතුරු බැදීම වැඩක් නැතිය. එහෙත් බල්ලෙක් කළ වැඩකින් සමාජයට අර්ථවත් කතාවක් නිර්මාණය වේ නම් එය ලියා තැබීම හොදය. පිං අතේ වැඩක්ය.

ගෙට්ටුගෙදර් එකේදී වෙච්ච දේවල් හැම එකාම දන්නවාය. සෑමාද කිරිකොට් ගැහුව බව ලකා නොදන්නේය. ඌ පව්ය. ඒ නිසා කිරිකොට් නොගහා සෑමා උමා සමග සිටි බවක් කියන්නේය. උමාව සෑමා ගේ ඇස ගැටුනේද ගීතයෙන් ගීතය කරනා අවස්ථාවේදීය. ඒ බව එදා සිටි හැම එකාම දන්නේය. උමාගේ බ්ලොග දැන ගත්තේද එදාය. තහනම් වචනයාගේ සහෝදරියක් බදු ඇය සෑමා සමග උරෙන් උර ගැටුනේය. අවසන ඇය සෑමාගේ ගායනය හමුවේ පරාජය වී සෑමා දින්නේය. ඒ සිද්ධිය හැම එකාම දැක්කේය. බස් රේඩියෝවේ ලයිව් විකාශය කලේය. ලකා පව්ය. ඌ හිතලා කතන්දර හදන්නේය. ඒත් හොදම හරිය එලියට එන්නේ දැන්ය.

සියල්ල අවසන සෑමා ගෙට්ටුව පිලිබද පොස්ට් එකක් දැම්මේය. බොහෝ දෙනා ෆොටෝ සමගම දැම්මේය. ඒ අතරතුර සෑමාගේ සපත්තු කුට්ටම නැති වූයේය. ඒ කිරිකොට් මැච් එක අතරතුරය. ෆීල්ඩ් කරද්දි පවා සෑමා එහා පැත්තේ සිටියේ වී පොකුරේ වීයා. එහා පැත්තේ වෙඩික්කාරයාය. උන් දෙන්නා අසල සිට බැට් කරන්නට සපත්තු ගලවා ගිය විටකදී චමිලයා පැමිණ සපත්තු කුට්ටමට ගේම දී තිබුනේය. එය නැතිව එන අයුරුත්, සපත්තු කුට්ටම ලැබී එය නැවත දා ගන්නා අයුරුත් පොටෝ ගමකට ෂෙයාර් වුනේය. ලකා නැවතත් පව්ය.

කතාවේ හොදම හරිය තවමත් ආවේ නැතිය. ඒ ටික කියන්නේ දැන්ය. සෑමා ගේ වෙන්ඩ බිරිය කිටියා ගෙට්ටුගෙදර් එකේ පෝස්ට් එක සෑමාගේ ලැප් එකෙන්ම බැලුවේය. ඒ අතර සෑමා වල්මත් වී කියන ගීත පෙල සහිත වීඩියෝව ද දැක්කාය. එය අවසන ඇය උමා සෑමාට දෙන කිස් එකද දුටුවාය. ඇය සතුටින් කුල්මත් වී සිටියාය. පෝස්ටුව බැලීමට පටන් ගත්තාට වඩා සතුටක් ඇගේ මුහුනේ ඇදි තිබුනේය.

“මොකෝ මාව කිස් කරපු කෙල්ල කැතද ඔහොම හිනා වෙන්නේ?“

“නැහැ අප්පා.. මේ කිස් එක නිසා මට අවුරුදු ගානක් ඈත් වෙලා හිටපු යාලුවෙක් ආයෙ හම්බුනා..“

“ඈ.. ඒ කවුද ඒ?“

“මේ මධුරංගි අක්ක නේද?“

“ඈ.. ඒ කවුද ඒ.. මේ ඉන්නෙ උමා..“

“නෑ නෑ මේ මධු අක්කම තමා..“

“ඒව මම දන්නෙ නැහැ මේ උමා..“

“හරි හරි ඔයා අහල බලන්නකෝ. මේකි අපෙ ඉස්කෝලෙ, අපේ කැඩෙට් සෙට් එකේ හිටිය. අක්ක කෙනෙක්. හරිම හොද කෙල්ල. අපිට මාර සපෝට් එකක් දුන්නෙ ඒ කාලෙ.. “

“හරි හරි.. එතකොට කිස් එක? “ සෑමා ඇයව ඇවිස්සීය.

“අපෝ මේකිගෙන් එකක් නෙවේ කිස් කොච්චර ගත්තත් මට අවුලක් නැහැ. මේකි මගෙ බොක්කෙ ෆිට් එක.“

සමාජය තේරුම් ගත් කෙල්ලෙක්, යාලුවන්ව තේරුම් ගත් කෙල්ලෙක්, තමන්ගේ පෙම්වතා තේරුම් ගත් කෙල්ලෙක්, නිසා ලකාට අද රෙද්දේ රෙවුන බව කරුණාවෙන් සලකන්න. සැප ලබන උන්ට ඉරිසියා නොකරන්නට, ලබන භවයේ වත් සැපක් ලබන්නට, මේ භවයේ වත් පිං කරන්න මේ පෝස්ටුව හේතු වාසනා වේවා. 

සෑමා - කිටී - උමා - ලංකළ එවන් සොදුරු දිනය නැවතත් උදාවේවි.

21 සයිබර් සැනකෙලියට එන්න.

ඉරිසියාවෙන් තොරව වින්දනය ලබන්න...

පලි - ලකා ලබා ගත් සියළු ඡායාරූප කාගෙන්වත් ගත යුතු ඒවා නෙවේය. ඒවා සෑමාගේ ඇල්බම් වල ඇති ඒවාය. ලොවම දුටු පොටෝ නැවතත් දැමීමට තරම් ඌ පජාත වී ඇත්තේය.