නව නැකත් පතක්..

ගෙවල් දොරවල් පිරිසිදු කිරීම -

සිංහල අලුත් අවුරුද්ද උදාවට පෙර සියළු නිවෙස් පිරිසිදු කෙරෙන අතර, තමන් ඉන්නා ස්ථානය මනා සිත්කළු අන්දමට සැකසෙන්නේය. ඒ අලුත් ජීවිතයක උදාවක් සනිටුහන් කිරීමටය. මේ සදහා ඔබගේ හාඩ් එක ෆෝමැට් කරනු මැනවි. එසේ කිරීමට නොහැකි නම් Defragment කරනු මැනවි. සියළු දත්ත පිළිවෙලකට සකසා, නව අලුත් අවුරුද්දට බැති සිතින් මුහුණ දීමට නම් බෑඩ් සෙක්ටර්ස් ඉවත් කොට, වැල පාට්ෂන් පවා මුලින් උපුටා දමනු මැනවි. ඉක්බිති සියළු පැතුම් ඉටුවන නැවුම් අලුත් අවුරුද්දකට ඔබ සැමට ශක්තිය බලය ජවය ලැබෙනු ඇති.

නොනගතය / පුණ්‍ය කාලය -

නොනගතය යනු කිසිම ක්‍රියාවක් කිරීමට සුදුසු කාලය නොවන බව ජෝතිෂ්‍යෙව්දියෝ කියත්. එනිසා නැකතක් නැති එවන් මොහොතක කිසිම කාර්යයක නියුක්ත නොවී පුණ්‍ය කටයුතු වල යෙදෙනු මැනවි. ඒ සදහා බුකියේ Offline දමා තැබිය යුතු. සියළු හාද කම් තාවකාලිකව නවතා දැමිය යුතු. එසේම පුණ්‍ය කාලය බැවින් වැල සයිට් බ්ලොක් කර තබනු මැනවි.

අලුත් අවුරුදු උදාව -

සූර්යයා මීන රාශියෙන් මීන රාශියට පැමිණීමත් සමගම අලුත් අවුරුද්ද උදා වන්නේය. පැරන්නෝ මෙය මහා මංගල්‍යයක් ලෙස පිදුම් ලැබුවෝය. සෑම නිවසකම පාහේ රතිඤ්ඤා සද්ද පැතිරෙන්නේය. එය හුදෙක් රටම එකළු කිරීමක් බදුය. එසේ උදාවන අවුරුද්දට නැකතට ඔබේ ලැප් එක/ පරිගණකය ක්‍රියාත්මක කරනු මැනවි. නිවැරදි වේලාවට හරියටම පවර් බට්න් එක ඔබා සියළු කටයුතු ආරම්භ කරනු මැනවි. පරිගණකය ක්‍රියාත්මක කිරීමේදි එන බීප් හඩ එදා රතිඤ්ඤා හඩට සමානය. එසේ සියළු රට පුරාම පැතිරෙන බීප් හඩ රටම එකම තැනකට ගෙනෙන්නේය.

ලිප ගිණි මෙලවීම -

එසේ උදාවන අවුරුද්දට සෑම නිවසකම කිරි ඉතිර වෙන්නේය. මුළු රටම එකම මොහොතක ලිප ඉදිරියේ සිට ගන්නෝය. එලෙස රත් වෙන ලිප, මුට්ටිය, දෝරෙ ගලා යන කිරි හැලියක් වන්නේය. අලුත් අවුරුද්ද පුරාම පැතිරෙන්නේ ඒ උතුරා යන සතුටය. ඒ සදහා බ්ලොග් එකක් බැද, ගිණි අවුලමින් පෝස්ට් එකක් දැමිය යුතු. නො ඒසේනම්, ඔබ බ්ලොග් හිමි කරුවෙක් නොවන්නේනම්, අන් අඩවියක හෝ ඇනෝකමෙන්ට් දමමින් ගිණි ඇවිලිය යුතු. එය අවුරුද්ද පුරාම පැතිරී තිබෙනු ඇති.

ආහාර පිසීම -

වසරක් පුරාම බුකියේ Barn Buddy හෝ FarmVille මගින් සපයා ගත් ධාන්‍ය, ආහාර, එකතු කොට ගනිමින් ලිප දල්වා ආහාර පිස ගනු මැනවි.

ආහාර අනුභවය -

නිවැසියන් සියල්ලෝම එකතු වී ආහාර අනුබව කලේ ඒ කාලේය. ගෙතුල සියළු සාමාජිකයන් එකම කෑම මේසයක මතට වී ආහාර බෙදා හදාගෙන අනුබව කලේ සතුට, සමාදානය රජ කරවමින්ය. ඒ සදහා අද දින Barn Buddy හෝ FarmVille මගින් සපයා ගත් ආහාර අනුභවය මැනවි. එසේම ආහාර බෙදා හදා ගැනිමට නම් friend list එකේ සිටින සියළු දෙනාට එම ක්‍රීඩා වලින් game request යවනු මැනවි. එවිට සියළු දෙනාටම එක සේ ආහාර අනුභව කළ හැකිය. අපි වවමු රට නගමු සංකල්පය එයයි. සෑම කෙනාම Barn Buddy හෝ FarmVille ගැසිය යුතුමය. තමාම සිටුවා ආහාරයට ගත යුතුය.

ගණු දෙණු කිරීම -

එකල්හි සියළු ගණුදෙනු කළේ ජීවිතය පුරාම තමන්ට ජලය ලබා දුන් ලිද සමගය. එහෙත් අද ලිදවල් නැතිය. ඒ සදහා සුදුසුම ක්‍රම දැන් ඕන තරම් ඇත්තේය. නිවැරදි වේලාවට Adsense/Forex වැනි ගිණුම් ආරම්භ කර ගණුදෙනු කිරීම මැනවි. නැතහොත් තම මිතුරෙකුට Ez Cash මගින් මුදල් යවා, ඔහුගෙන්/ඇයගෙන් ඔබටත් මුදල් ගෙන්වා ගැනීමෙන් ගණු දෙණු ආරම්භ කරනු මැනවි. නැතිනම් ඔබේ මුල්‍ය ගිණුමේ E බෑන්කිං සේවාව ආරම්භ කර ගත යුතු.

වැඩිහිටියන්ට බුලත් දී වැදීම -

වැඩිහිටියන්ට සැලකීම, උපකාර කිරීම බුදු සමයේ සිටම යහපත් ක්‍රියාවක් බව කියවෙන්නේය. අලුත් අවුරුදු දිනයේද වැඩිහිටියන් අසලට ගොස් වැද සමාව අයදින්නේ පෙර දි සිදුවූ වැරදි වලට සමාව ගැනීමටය. එසේම තමන්ගේ යටහත් පහත් බව කියා සිටීමටය. දැන් බුලත් හුරුලු සෙවීමට නොහැකිය. දුංකොළ පවා තහනම්ය. ඒ නිසා සියළු වැඩිහිටියන්ට Cc කොට බුලත් හුරුල්ලක ෆොටෝ එකක් මේල් කරනු මැනවි. බුකියේ නම් ටැග් කරනු මැනවි. හෝ ෂෙයාර් කරනු මැනවි.

හිස තෙල් ගෑම -

පයට නුග පත්ද, හිසට නානුද ගා උත්සවාකාරයෙන් හිස තෙල් ගෑවේ ඉස්සරය. දැන් හිස තෙල් ගෑ විට සෙම ඇවිස්සෙන්නේය. නහය බුරුල් වන්නේය. කිවිසුම් යන්නේය . ඒ නිසා ජෙල් ගෑම හොදය. එහෙත් ජෙල් ගෑමෙන්ද අතුරු ප්‍රතිඵල රැසක් වන්නේය. හිස කෙස් සුදු වීම එකක්ය. ඒ නිසා තම හිස බේරාගෙන අන් හිසක තෙල් ගෑම මැනවි. එය කරන්නට ගියද ගුටි කන්නට වන්නේය. ඒනිසා ඔබේ පරිගණකයේ CD/DVD ප්ලේයර් එකේ හෙඩ් එකේ Disc Cleaner ටිකක් ගා හොදින් සුද්ද කරනු මැනවි.

රැකි රක්ෂා සදහා පිටත්ව යාම -

රැකි රක්ෂා තිබෙන උන් රැකියා සදහා නැකතට පිටත් විය යුතු. එසේ නැති උන් ගෙදරට වී බුකියේ ඔන් ලයින් පාරක් දමාගෙන සිටිනු මැනවි.

** මේ වසරේ නැකත් පත සැකසුම sAm cReations හි, සෑම් විසින්...

උක්ත කරුණු හොදින් අනුගමනය කරමින් සුභ අළුත් අවුරුද්දක්ම උදා කරගන්න. 

සැමට සුභ වේවා. 

ජය වේවා..