Monday, February 23, 2015

පැක් කිරීම උගත්තෙමි... - Learned How to Pack !!


පැක් කිරිල්ල සියළු සත්වයෝ උපතින්ම ගෙන එන ලද්දක්ය. ගන්ධබ්බ අවධියේ සිටින සත්වෙයෝ උපතක් බලාපොරොත්තු වන්නෝය. මරණයෙන් මතුවන චුති සිතට අනුව ප්‍රතිසන්ධි සිත පහළ වන්නේ ක්ෂණිකවය. නැවත උපතක් විශ්වාස කරන බෞද්ධයන්ට අනුව චුති සිත සහ ප්‍රතිසන්ධි සිත අතර ඉඩක් නැත්තේය. සියල්ල අවසන ප්‍රථම වරට නිවැරදිව පැක් වීම හෙවත් මව් කුස පිළිසිඳ ගැනීම සිද්ධ වන්නේය. සත්ව වර්ගයාගේ පැක්වීමේ ආරම්භය පටන් ගන්නේ නොදැනුවත්වය. තමන්ට කැමති තැනක කැමති ලෙස පැක් වීමට වරම් නොලැබෙන්නේය. ඉන්පසුව බිළිඳා දකින්නේ මනාවට පැක්වූ පෝටබල් ප්‍රථම ආහාරයය. ඒ නම් මව් කිරිය. එහි පැක් වීම අති සාර්ථකය. තාක්ෂණයට අනුව තවමත් එතරම් සූක්ෂම පැක් කිරිල්ලක් ලොවෙත් නැතිය. ක්‍රමයෙන් හැදී වැඩෙන සත්වයා පැක් කිරීම ගැන ප්‍රවීණයෝ වන්නේ, දක්ෂයෝ වන්නේ ඉනික්බිති සමාජයෙන් ලැබෙන ආභාෂයන් මතය. මෙලෝ හසරක් නොදන්නා සතුන්ට පවා සහජයෙන් ලැබී ඇත් පැක් කිරීම අති විශ්මිතය. ඒ අනුව කැන්ගරුවා තම පැටියා පොකැට් එකේ පැක් කිරීම ඉතා වටිනා උදාහරණයක්ය.

Melbourne Cricket Ground හි පැක් කිරිල්ල

පාසල් සමයේ දකින පැක් කිරීම බොහෝය. ඒවා පසු කළෙක පැක් කිරීම ඉගෙන ගැනීමට අවශ්‍ය කරන ආභාෂයන්ය. පාසල් ගෙනියන බෑග් එක පැක් කළේ අම්මාය. ඒ පුංචි කාලයේය. පසු කළෙක එය කරන්නේ ශිෂ්‍යා අතින්ය. එවිට අනවශ්‍ය පොත් අතැර අවශ්‍ය පොත් පමණක් පැක් වන්නේය. බෙහෝ විට විෂයන් දෙකකට එක පොතක් සෑහෙන්නේය. එක විෂයකට අදාල සටහන් පොතේ මුල් පිටු වේ සිට ලියැවෙන අතර. අනෙක් විෂයේ සටහන් පොතේ අග පිටුවේ සිට ලියැවෙන්නේය. කිසිම දිනයක එම සටහන් එකිනෙකට මුණ ගැසෙන්නේ කලාතුරකින්ය. විටක වසරක් ගියත් මුණ නොගැසෙන්නේ එතරම් සාර්ථකව සටහන් ලියා ගන්නා නිසාය. බෙහෝ විට ඉහල පන්ති වලදී බෑග් එක පැක් වෙද්දී බරපතල් අච්චු පොත් අතහැරෙන්නේය. ඒ බර වැඩි නිසාය. පසු කලෙක ඒ ලෙවල් කරද්දී ඉංග්‍රිසි පොත හැමදාම ගෙදරය. මන්ද ඒ ලෙවල් සමයේ බෑග් භාවිතයෙන් තොර වෙන නිසාය. එවිට පැක් කිරීම් නැත්තේය. මොට්ටසෝරි සමයේදී අම්මා කෑම පෙට්ටිය පැක් කළ හැටි අමතක එකෙක් නොසිටිය හැකිය. බනිසක්, පාන් කැබැල්ලක් පුංචි කෑම පෙට්ටියට දමා කෙසෙල් ගෙඩියක් ඔබන්නට ඉඩ නොමැති වූ කලෙක කෙසල් ගෙඩිය පෙති ගසා හෝ කෑම පෙට්ටියට ඔබන්නේ පැක් කිරීමේ තෙරටම ආ අම්මාය. ඒ කාලේ සිඟිත්තාට වඩා අම්මා පැක් කිරිල්ල දන්නේය. කෙසේ හෝ කුමක් හෝ දරුවාගේ බඩට පැක්කර එබීම ඇයගේ ඒකායන බලාපොරොත්තුවය. කෙසෙල් ගෙඩිය කෑලි කපා දැමූ විට කන එක නම් සෑමාට අප්පිරියය.

පාසල් සමයේ හොදම පැක් කිරිල්ල දුටුවේ 235  බස් රථයේදීය. වරාගොඩ මාර්ගයේ දිවෙන තනි දොරේ භාගේ බස් වල පැක් කිරිල්ල දන්නා කොන්දොස්තර අයියලා තරම් වැඩ්ඩෝ ලොවෙත් නැතිය. කැළණිය හන්දියේදී ෆුල් පැක් වෙන තුරු බස් එක පැය භාගයක් හෝ නවත්වාගෙන සිටින කාරුණික ඔව්හු වරාගොඩ පාරේ සියළු ජනතාව තොරණ හන්දියට රැගෙන යාමට තරම් කාරුණිකය. ඒ සඳහා භාවිත කරන්නේද තනි දොරේ හුචක්කු බස්ය. ෆුල් පැක්ව ගමන් අරඹන බස්රථය දොර පැත්තට ඇල වෙන්නේය. ඇතුලේ සිටින ජනතාවගේ ජැක් නිසා රථය නොවැටී තිබෙන්නේය. සියළු කාන්තාවන්ට ප්‍රතිවිරුද්ධ බල යොදා බසය නොවැටෙන්නට තබා ගන්නේ ඇතුලේ සිටිනා භෞතික විද්‍යාව දන්නා පුරුෂ පක්ෂයය. ඒ අතර ආරම්භක විද්‍යාව දන්නා අප වැනි ශිෂ්‍ය යෝය. විටක ජීව විද්‍යාව දන්නා වැඩිහිටියෝ පරිණත ඩයල්ය. උන් භෞතික විද්‍යා වෙන් සමතුලිතය ලබාගෙන ජීව විද්‍යාව කරාම නැගී යන්නෝය. කිසිදාක කිසිම කලබැගෑනියක් අප දැක නැත්තේය. ඒ බස් නැති පාරක හොදින් පැක්ව කෙසේ හෝ වැඩට යාමේ අවශ්‍යතාවය නිසාය. එවැන් පැක් කිරිල්ලක් මම නම් මෑතක් වෙන තුරු නොදැක්කේය. මෑතක දුටු හොඳ පැක් කිරිල්ල කතාව අවසානයේ ලියවෙනවාය.

සියල්ල අතර වාරයේ පැක් කිරිල්ලේ ඉතා අසාර්ථක ඩෑල්ද සෑමා දැක ඇත්තේය. ඊට හොඳ උදාහරණය දැක්කේ ගෙවල් පැත්තේ සිටින ඉස්සෝ වඩේ අයියාගෙන්ය. පොරගේ කෑම නම් රසය. නමුත් පැක් කිරිල්ල අන්තිමය. ඉස්සෝ වඩේ පහක් ගතහොත් කාඩ්බෝඩ් ප්ලේට් මත එක එක තබා ප්ලේට් පහක් මත වඩේ තැබෙන්නේය. ඒ සියල්ල එක මත එක තබා එක ෂොපින් බෑග් එකකට දැමිය හැකිය. නමුත් ඔහු කරන්නේ මහා අපරාධයක්ය. ඔහු ප්ලේට් පහම බෑග් පහක දමන්නේය. පැක් කිරිල්ල නොදත් තැන පාරිසරික හානිය කොපමණ වන්නේද කියා එතැනින්ම සෑමාට තේරුණේය. තමන්ට එක බෑග් එකක් ඇති කියා සියල්ල එක මල්ලක ඔබා ගත් සෑමා වඩේ ඩෑල් එකට ඇඩ්වයිස් දෙන්නට ගියේ නැතිය. මන්ද තෙල් තාච්චියක පහස ලැබීමට ඇති අකැමැත්ත නිසාය. නමුත් තව දෙතුන් වරක් ගොස් එම රංගනයම කළහොත් ඩෑල් එක වෙනස් වෙනවා ෂුවර්ය. ෂොපින් බෑග් පහක හයක පැක් කිරිල්ලක් කරන තවත් තැනක් ලෙස සුපර් මාකට් හැඳින්විය හැකිය. කෑම ජාති එක බෑග් එකකද, එළවලු තවත් බෑග් එකකද, ගෙදරට ගන්නා අනෙක් බඩුමුට්ටුද ආදි ලෙස උන් පැක් කරන්නේ බෑග් පහ හයකය. විටක එම පැක් කිරිල්ල සාධාරණය. ඒත් එතරම් ෂොපින් බෑග් තොගයක් ගෙදර එකතු කර තබා ගැනීම තරම් අසහනයක් සෑමාට නැත්තේය. බෙහෝ විට ලැබෙන ෂොපින් බෑග් අඩු කර ගැනීමට සෑමා පෙළබෙන්නේය. පොලේ ගියොත් බෑග් එකක් රැගෙන යාමේ පුරුද්දක් තිබුණත් මෑතකදී පොලේ නොගිය නිසා එය මඟ හැරුණේය. කෙසේ හෝ පැක් කිරිල්ලේ අසාර්ථක බව කිසියම් පාඩුවට මුල පුරණ බව කිව යුතුය.

ස්කූල් වෑන් එකේ යන කාලේ වෑන් අංකල් කරපු පැක් කිරිල්ල සුපිරිම පැක් කිරිල්ලක්ය. අපි සීට් වල ඉඳ ගත්තාට පසු පුංචි ඇච්චං කෙල්ලෝ කොල්ලෝ සීට් අස්සටද ඔබන්නේය. උන් ව ඉඳගෙන සිටිනා අප ඉඳිරියෙන් හිටවා තැබුවේය. එහෙත් කිලෝමීටරයක් දෙකක් යද්දී උන් අපේ ඔඩොක්කුවේ ඉඳගෙනය. ඒ තරම් අසාධාරණ පැක් කිරිල්ලක් සෑමා දැක නැත්තේය. 

ලොවෙත් නැති පැක් කිරිල්ලක් දකින්නට සෑමාට මෙතුවක් කල් බලා ඉන්නට සිදු වූයේය. සියළු ලංකාවාසීන්ට එවැනි පැක් කිරිල්ලක් දකින්නට හැකි වූයේ මේ වසරේය. එනම් පසුගිය 18වෙනිදා නුගේගොඩදීය. විමලේ ඒ පැක් කිරිල්ල ගැන පුරාජේරු ගසද්දී, මරා වාදීන් විසිල් ගසන්නට වූවෝය. සිරාවාදීන් කොටු ගසා, රවුම් ඇඳ, ඩොට් තබා ඡායාරූප මත සිටින ජනතාව ගණින්නට වූවෝය. කෙසේ හෝ සියල්ල අවසන විමලේ කිව්වේ ලක්ෂ 5ක් සිටියා කියාය. මරාවාදී සැට් එකද කියන්නේ ඒ ටිකමය. එතරම් පුංචි ඉඩක ලක්ෂ පහක් බැස්සුවා කියන්නේ සෑමා මෙතුවක් දුටු හොදම පැක් කිරිල්ල එයය. විශාල ක්‍රිකට් පිටියක් වන Melbourne Cricket Ground (MCG) හි පැක් කළ හැකි ප්‍රේක්ෂක ප්‍රමාණය ලක්ෂයක් වෙද්දී ආනන්ද සමරකෝන් පීඨයේ ලක්ෂ පහක් බස්සන්නට තරම් ලංකාවේ පැක් කිරිල්ල අති සාර්ථක වූයේය. එය එසේ නොවුනා නම් පුදුමය. ලංකාවේ ගමනා ගමනයේ පැක් වෙන සෙනඟ ප්‍රමාණය දකිනා ශ්‍රී ලාංකිකයන්ට විමලේ එතැන ලක්ෂ පහක් පැක් කළා නම් එය මැජික් නොවන්නේය. මන්ද විමලේගේ කට තරම් කටක් ලොවෙත් නැති නිසාය. සෙනඟ කිසිවෙක් නොමැති වුවත් විමලේ උගුර කඩාගෙන ලක්ෂ පහක සෙනඟක් ගැන පුරාජේරු ගසන්නට තරම් ඩෑල් එකක්ය. 

කෙසේ හෝ යහපාලනය පත්වා ගැනීමට නම් මෙතරම් ජනතාවක් රැඳවිය හැකි ස්ථානයක් ජනතාව වෙනුවෙන් භාවිත කළ යුතුය. ක්‍රිකට් උණුසුම ඉතා උග්‍රවු මේ සමයේම ලක්ෂ පහක ජනතාවක් රැදවිය හැකි මෙවැනි නගරබද ස්ථානයක ලොව විශාලම ක්‍රිකට් පිටිය නිර්මාණය කිරීමට බලධාරීන් කටයුතු නොකරන්නේ කුමන විදෙස් බලපෑමක් නිසාදැයි අප සොයා බැලිය යුතුය.

Written_by_sAm_ශ්‍රී_Perera_7:12am_23/02/15

Tuesday, February 17, 2015

කලිසම සහ සිතියම් අධ්‍යයනය... - Box Short & Geographical Studies !!


උණ යනු ලෙඩක්ය. ඒ බොහෝ අයගේ මතයය. එහෙත් සැබෑවට උණ යනු රෝග ලක්ෂණයක්ය. ඒ කාලේ ඇයි උඹට උණද කියා අසන්නේ ගහන්නට බලාගෙනය. උගේ උණ මම හොඳ කරන්නම් කියා කියන්නේ එනිසාය. උණට ලඟින්ම යන ඊලඟ ලෙඩ දෙක නම් කැස්ස සහ හෙම්බිරිස්සාවය. හෙම්බා ගහනවා කියන්නේ සෙම්ප්‍රතිශ්‍යාව හැදුනාමය. හෙම්බා දරුණු වුණාම පීනසය. පීනසයද පොඩි ලෙඩක් නොව එහිද ප්‍රභේද දෙකක් ඇති බව සෑමා දැන ගත්තේ ගල් පීනසය හැදුනාමය. හෙම්බා හැදෙන්නේ නැතුව, සෙම ගල් වී ඔලුව රිදෙන ආකාරයේ ලෙඩක් හැදී සෑමා සිංහල වෙදෙක් සරණ පැතුවේය. ඒ මීට බෙහෝ කළකට ඉහතදීය. එදා වෙදා කිව්වේ බොට තියෙන්නේ ගල් පීනසය කියාය. වල් පීනසය හැදුනාම හෙම්බා දිගටම ගලන්නේය. අවසන නාසයෙන් ලේද ගලන්නේය. කෙසේ හෝ වෙදා එදා සෑමාට ගල් පීනසය හොද වන්නට, ගල් වූ සෙම දිය වන්නට නාසයට උරන්නට කුඩක් දුන්නේය. එය නාසයෙන් ඇද්ද පසු කිවිසුම් පනහක් පමණ ගොස් හෙම්බා සැදී නහය බුරුල් වන්නේය. එවිට ඔලුවේ ඇති සෙම ටිකක් ගලා යන්නේය. එය කොතරම් සෞඛ්‍ය සම්පන්න ක්‍රමයක්ද නොදන්නේය. කෙසේ හෝ තාවකාලික සුවයක් ගන්නට තව මොනවාද ගුලි වගයක්ද දුන්නේය.

සෑමාගේ උණ තාමත් හොඳ නැතිය. එය සුව නොවන උණක් බව හැම එකාම කියන්නෝය. එසේම ගල් සීන් එකද එසේමය. කපනා ඒවා නොව, ගල් වූ සෙම සීන් එකය. විටක ඔලුව ඇතුලේ කැටයක් හෙලවෙනවා වගේ දැනෙන්නේ එක්කෝ මොලයේ ඇණ ගැලවිලාය. නැතිනම් සෙම කැටයක් ලෙස සෑමා සිතන්නේය. තත්වය එසේ තිබියදී මීට දින කිහිපයකට පෙර සෑමාට සෙම හැදුනේය. එය නම් සුපිරිම සෙමක්ය. නාසය උඩට ඇද්ද විට නාසය දිගේ ගොස දිව උඩට වැටෙන සෙම ගුලිය මනරම්ය. ගල් වූ සෙම ඇති සෑමාට නාසයෙන් ගලන හොට්ට තරම් සනීපයක් නොවන්නේය. එසේ දිවට වැටෙන සෙම ගුලිය රෝල් කර ගිල දමා නැවත නාස් කුහරයෙන් උඩට ඇද සෙම ගත හැකිය. ඒ අතරම යන කිවිසුම් වලින් පලාතක්ම ස්ප්‍රේ වන්නේය. මෙය බලා සිටිය නොහැකි තැන කිටියා සෑමාට තර්ජනය කලේ ලේන්සුවක් භාවිත කරන ලෙසය. ලේන්සුවක් හැම තැනකම සෙවූ සෑමාට අතට අහුවූයේ පැත්ත තිබූ ගල් ෂෝටක්ය. පාසල් යන කාලයේ වත් එක දිගට මාසයක් ලේන්සුවක් භාවිත නොකළ සෑමාට ගල් ෂෝට තනි මැකුවේය. ඒ දින කිහිපයක් පුරාවට හොටු හූරන්නටය. එක දිගට දහපාරකට වඩා හූරන හොටු වේලෙන්නට පෙර නැවතත් පිපිදෙන්නේය. විටක අල්ලන්නවත් තැනක් නැත්තේය. කෙසේ හෝ කලිසම ටකරමක් ලෙස වේලී යන්නේ පිසදමන ලද හොටු වල ඝනකම නිසාය.

සෙම, හොටු, කැහි කරදර නිමක් නැති අතර බෝතලයක් කැඩෙන්නේ ඔය අතරය. පස් හයදෙනකු සැට් වී ගෙවල් පැත්තේම සැට් වූයේ සෙම කර කුට්ටං කර ගැනීමේ පරම චේතනාවෙන්ය. බොහෝ උන් කියන්නේ කැස්සට, සෙමට බේත ගල් කියාය. පොඩ්ඩක් ගැහුවොත් ඔක්කොම වේලිලා යනවා යැයි කියන්නේ කට වචනයට විය හැකිය. එක්කෝ බීම සාධාරණීකරනය කර ගැනීමට විය හැකිය. එහි සත්‍ය අසත්‍ය කෙසේ වුවත් තෙල්, කොලෙස්ට්‍රෝල් ඇත්තවුන්ට නම් දොස්තර අවවාදය ඉද හිට හෝ තෙල් කැපෙන්න ඇල්කොහොල් ටිකක් ගන්න කියාය. අපේ උන් එවිට උපන් දා සිට තෙල් කැපෙන්න අඩියක් දෙකක් ගසා බෝතලයක්ම හිස් කරන්නෝය. ගල් නැති තැන, තිබූ වැට් එකෙන් ගසා සෑමා ගෙදර ආවේ වතුර ටිකක් ඇඟට හලාගෙන, ඇඳට වැටෙන්නටය. ඇඟපත සෝදාගෙන අතට අසු වූ ඩෙනිම් ෂෝටක් ගසාගෙන සෑමා ඇඳට වැටුනේය. ඒ අතර කිටියා පැමිණ සෑමාට වද දෙන්නට වූයේය.

“බීලා බීලා ඇවිත් තඩි ෂෝටකුත් ගහගෙන... අර බොක්ස් ෂෝට ඇඳ ගන්නකෝ.. ඕක ඇදන් මේ රස්නේ නිදාගන්න පුලුවන්ද..?“

“පිස්සුද.... කලිසම් ඔක්කොම වැලේ.. ඔක්කොම හෝදලා දාල තියෙන්නේ...“

“විකරද?? ඔක්කොම වේලිලා.. ඇතුලට ගත්තා.. ඉන්නව මම අරන් එන්න...“

“ආ.. මේක ඇඳ ගන්නවා..“ මොහොතකින් කිටියා බොක්ස් ෂෝටක් රැගෙන විත් දුන්නේය. සෑමා ඇඳන් හිටි ෂෝට නිදියහනේ වැතිරීගෙනම මාරු කළේ හොඳ සිහියෙන්ය.

පසුදා අවදි වූ සෑමාට තම ෂෝටේ අමුත්තක් දැනෙන්නට වූයේය. තැන් තැන් වලින් තරමක් ඝනකම් බවක් දැනුනේය. එවිට ෂෝටේ රෑ සිහිනෙන් සිතියම් ඇඳී ඇත්දැයි අතගා බැලූවේය. එහෙත් සිතියම් මෙතරම් ඇදෙන්නට තරම් ස්ටොක් එකක් තිබිය නොහැකිය. තවත් මොහොතක් ගත වෙද්දී ෂෝටේ ඉදිරිපස පමණක් නොව පිටුපස පවා ටකරමක් වැනි ඝනකම් ගතියක් දැනෙන්නට වූ නිසාම ෂෝට ගලවා හොදින් සෝදිසි කිරීමට සෑමාට සිදු වූයේය.

සිදූ වී ඇත්තේ අනර්ථයක්ය. දින ගණනාවක් පුරා හොටු හීරු ෂෝට සෑමා ඇඳගෙන සිටින්නේය. තැන් තැන් වල සුදු, කහ පැල්ලම් තිබුනේ දවස් ගණනාවක මතක සටහන් ලෙස මිසක රෑ සිහිනෙන් ඇතිවූ සිතියම් නිසා නොවන බව පැහැදිලිය. සිදු වූ අවනඩුව කිටියාට කියා අවමන් විදිනවාට වැඩිය බ්ලොග් ගත කිරීම සුදුසු බැවින් මෙසේ ලියන්නට වූයේය.

Written_by_sAm_ශ්‍රී_Perera_17/02/2015

Saturday, February 14, 2015

ලව් කරන දවසේ බූට් ගැන යමක්.. - About Boots, More than Love !!!


වසරක් පුරාවට එක එකාට ලව් කළ ඇත්තන්ට එක දවසක් වෙන්කර ඇත්තේය. ඒ තමන්ගේම හරි එකාට ලව් කරන්නටය. එහෙමවත් දිනයක් තිබීම නිසා දහයකට ලව් කරන එකාලාට එකීලාට හරි එකා හෝ එකී තෝරා ගැනීමට අවස්ථාව ලැබී ඇත්තේය. ඒ දවස නම් මාරය. ආදරය කරන්නට දිනයක් වෙන් කරගත්තවුන් එදාට තමන්ගේ හරි එකා සොයා ගොස් ලව් කරන්නෝය. එසේ ලව් කර දිනය නිමා කරන්නෝය. එදාට ඇපොයින්ට්මන්ට් දෙක තුන දාන එකීලා හෝ එකීලා පවා සිටිය හැකිය. ඒ එක එකාගේ දක්ෂතාවය මතය. නැතිනම් ආදරය ලැබීමේ ප්‍රමාණය වැඩි නිසාය. මෑත අතීතයේ සෑමා දුටු ආදර අන්දර බොහෝය. එවැනි ලව් නම් සම්මතයෙන් ඔබ්බටය. පොලොව දෙදරාගෙන අහස උසට විදිනා ලාවා දහරාවක් සේ ගිණි කඳු වලින් ඉහලට විදින්නේ ඒ ආදර කතාවන්ය.

තිස්ස නම් එකෙක් රනිල්ට ලව් කළේය. ඒ වසර දහයකට වඩා පැරණි ලව් එකක්ය. දුකේදී සැපේදී අනාථ වූ විවිධ අවස්ථාවන්හි තිස්ස සිටියේ රනිල් ලඟය. රනිල්ගේ මුවින් වැටෙනා කඳුලු බිංදුවක් පාසා පිසදමාලූයේ තිස්සය. එතරම් අසම්මත පෙමක් ලෝක ඉතිහාසයේ තිබුණා දැයි සැක සහිතය. ඒ අතර කාලයේ මහින්ද පෙමින් වෙලුනේ මෛත්‍රී සමඟය. එය වසර හතලිස් ගණනාවක් පුරාවට විහිදුනු එකක් බව පැහැදිලිය. විටක මෛත්‍රී මහින්දට වඩා පරිනත වූයේ ඔහු මහින්දට වඩා වසර කිහිපයකට කලින් ආදරය කරනා හැටි උගත් නිසා විය හැකිය. එහෙත් මහින්ද මෛත්‍රීට වඩා ඉදිරියෙන් සිටියේ ඔහු එකෙකුට ලව් නොකර කිහිප දෙනෙකුට ලව් කර උඩට ආ නිසාය. එහෙත් ඉහත කී ආදර කතන්දර දෙක අපිරිමිත සෙනෙහසින් යුක්ත වූවා මෙන්ම විටක කඳුළු කතන්දරද නොතිබුණා නොවේය.

සිනහා, කඳුළු මැද දිව ගිය ආදර කතන්දර අතර තුර රනිල් තිස්සට හොරා දිනක් මෛත්‍රීට ඉඟිපෑවේය. පාසල් සමයේ සියළු ප්‍රේමයන්ට මුල් වල ආධාර කරුවන් සිටියා සේම මේ ඉඟියට සහය දක්වන්නට මහා පිරිවරක් තිරයෙන් පිටුපස සිටියෝය. ඒ අතර කලින් ලව් කළ උන් සහ මහින්දගෙන් බූට් කෑ පිරිසක්ද සිටි බව සැබෑය. රනිල් ගේ ලවට ඒ බකප් එක ලැබෙද්දී මෛත්‍රී මහින්දට හොරා ඉඟි බිඟි කළේය. එහෙත් මහින්දට නොදැනෙන්නය. මහත් ඛේදනීය තත්වය නම් ඒ රහස් පෙමට අතරවාරයේදී මහින්ද සමඟ රනිල්ද කෝපි කෝප්පයක රස බැලීමට පවා රාත්‍රී කාලයේ සුහද හමුවීමක්ද තැබීමය. ප්‍රේමය කෙතරම් වේදනීය දැයි මහින්ද නොදත්තේ ඔහු අවංක ප්‍රේමයක් නොකල නිසාවෙන්ය. එකෙකුට ලව් කරනු වෙනුවට තම ප්‍රධාන ප්‍රේම කතන්දරය අතරතුර දහසකට පෙම් කර බූට් තබා සිටි මහින්ද මෛත්‍රි ප්‍රේමයෙන් බැට කෑවේය. ඊට ප්‍රධාන හේතුව වූයේ තමන් පෙරදී පෙම් කළ අතැර දැමූ, වෛරයෙන් නවතා දැමූ අනන්ත ප්‍රේම අන්දරයන්ය. 

විටක චන්ද්‍රිකාය. මහින්දට වඩා චන්ද්‍රිකා කාලයක් මහින්දට පෙම් කළේය. මහින්ද ඒ ප්‍රේමය නවතා දැමුයේ වෛරයෙන්ය. ෆොන්සේකා සමග වැඩුණු ප්‍රේමයේ දළු ඉතා සවිමත් වෘක්ෂයක් වෙද්දීම මහින්ද විසින් ඒ ගස කපා කුට්ටි කර ගාල් කරනු ලැබීය. රාජිත, චම්පික වැනි ප්‍රේම කතන්දරද ඒ අතර වූයේය. සියළු ප්‍රේමයන් අතැර මහින්ද විමල්, ඇස්බී, රත්තරං වැනි සල්ලාල ඇසුරට හුරුවද්දී ප්‍රේමයේ අපිරිමිත අගය ඔහු කෙරෙන් නික්මී ගියේය. එයම මෛත්‍රී ගේ පණ ගසා වැටෙන ප්‍රේමයට ආරම්භයක් වූයේය. රුකුලක් වූයේය. මේ සියල්ල සම්මතයෙන් ඔබ්බට ගිය අසම්මත ප්‍රේමයන් බව සැබෑය. එහෙත් සම්මතයෙන් තොර අසම්මතයේද ප්‍රේමය ගැන අනන්ත කවි ලියැවෙන්නේය. සිංදු ලියැවෙන්නේය. කතන්දර ලියැවෙන්නේය. ඒවා සම්මත ආදරයට වඩා රසවත්ය. සම්මත විරහවට වඩා රසවත්ය. මහින්දගේ ප්‍රේමය නිමා කළ මෛත්‍රී නව පෙමක් ඇරඹූයේ රනිල් සමඟය. එදා රනිල් බිව් කෝපි කෝප්පයේ අඩුව පිරෙව්වේ මෛත්‍රී ආප්ප කෑමෙන්ය.

සල්ලාල ආදරයෙන් පිවිතුරු ආදරයේ වටිනාකම මහින්ද තේරුම් ගත්තේ රනිල්ටද පිවිතුරු ආදරයේ වටිනා කම කියා දෙමින්ය. ඒ රනිල් තිස්ස නම් වූ ආදර කතාව බිඳ දමමින්ය. එකට තමා සමඟ සිටි තිස්ස රනිල්ට පස්ස හරවා මහින්ද පෙම සොයා ගියේය. රනිල් ප්‍රේමයේ පිවිතුරු බව වටහා ගත්තේද එදාය. එකී බිඳුනු ප්‍රේමයේ විරහව අමතක කරලන්නට තරම් සෙනෙහසක් මෛත්‍රී රනිල්ට ලබා දුන්නේ සිතු පැතූ සම්පත් මොහොතින් ලබා දෙමින්ය. එහෙත් තිස්සට මහින්ද වෙනුවෙන් උදා කළ හැකි වූයේ දුක පමණක්මය. පිවිතුරු වුණත් ඒ පෙම මහින්දට ශක්තියක් නොවූ වා සේම තිස්සට උන් හිටි තැන් අහිම කළ පෙමක ආරම්භය එය වූයේය. 

සියල්ල සම්මතයෙන් තොර අසම්මත ප්‍රේමයන්ය. එහෙත් සම්මතයේ කතන්දර වැඩිය ආදර බරය. සම්මතයේ විරහවන්ට වඩා විරහා බරය. සියල්ල මැද තේරුම් ගත යුතු උගත යුතු දේද බොහෝය. මෙලොව සදා කාලික ප්‍රේමයන්ද, සදාකාලික ආදරයන්ද නැති බවය. තමන්ට ලැබෙන ප්‍රේමය, ආදරය රැක ගැනීමට උත්සාහ කිරීම මිසක, තිබෙන ආදර කතා නවත්වා නව ආදර අන්දර ආරම්භ කිරීම මහත් පරිස්සමෙන් කළ යුතුය. විටක එය මහින්ද - තිස්සට වූවා වාගේ තිබෙනා තත්වයට වඩා භයානක විය හැකිය. නැතිනම් රනිල් - මෛත්‍රීට වුවා වාගේ තිබුණාට වඩා සුන්දර විය හැකිය.

දැන් ඔබ තීරණය කළ යුත්තේ තිබෙනා එක සශ්‍රීක කොටගෙන ශක්තිමත් කර ගන්නවාද? අලුත් එකකට යෑමේ අභියෝගයට මුහුණ දෙනවාද යන්න පමණක්ය.

Written_by_sAm_ශ්‍රී_Perera_7:12am_14/02/15

Tuesday, February 10, 2015

වාරකන්.. !!




පුත නුඹ
ආ දා සිටන් .
මව් කුසට

පුත නුඹ
නංගිලා මල්ලිලා
ගලා ගියා
බාත් රූම් ගලියට

Written_by_sAm_ශ්‍රී_Perera
9:29pm_10/02/2015

Saturday, February 7, 2015

මධුසමයට පසුදා... - Day After Honymoon


දවස් දාහතරක ලස්සන හනිමූන් එක ඉවර වෙලා අපි දෙන්න ආපහු එන්න පිටත් වුණා.

“අනේ හරී ලස්සන පලාතක් සිතූ.. ආසාවේ බෑ.. ම්හ්.. තෑන්ක්ස්.. මම ඇත්තටම හිතුවෙ නැහැ අපි දෙන්නගෙ හනිමූන් එක මෙච්චර ලස්සන එකක් වෙයි කියලා..“ එයා එහෙම කිව්වා.

“ඔව් කුසූ.. මාත් හිතුවෙ නැහැ..“ එහෙම කියද්දි මට මතක් වුනේ අපේ සීයා කියපු කතාව. ඒ කාලෙ නම් එහෙම නෑලු. කසාද බැන්ද එදාම රෑට පවුලව ගෙදරට දක්කන් එනවලු. මොනාද මේ කැලෑ ගානෙයි, කදු ගානෙයි කල් මරන්නෙ කියල සීයා දවසක් ඇහුවා.



“මේ දැන් අපි මෙතැන ඉදන් කෙලින්ම යන්නෙ අපේ අලුත් ගෙදරට නේද සිතූ..“

“ඔව් කුසූ.. කෙලින්ම යන්නෙ අපේ ගෙදරට.. “

“මේ එතකොට ඔයා කිව්වා නේද ඒක තට්ටු සීයක බිල්ඩින් එකක් කියලා..“

“ඔව්, කුසූ.. ඒක ඒ පලාතෙ තියෙන උසම බිල්ඩින් එක.. හන්ඩ්‍රන්ඩ් ප්ලාසා කියල තමා කියන්නෙ. වෙන එකක් තියා අපේ කාමරේ බැල්කනියට ගියාම සමනල කන්දත් පේනවා. “

“ශා.. ඇත්තද සිතූ..“

“ඔව් කුසූ... මං හැමදාම උදේට එතැන ඉදන් බලනවා... “

“හානේ.. මට නම් අපේ ගෙදරට යන කල් ඉවසිල්ලක් නැහැ සිතූ..“

“ඒත් උදේ හවස තට්ටු හැත්තැ පහක් නගින්න බහින්න තියෙනවා..“

කමක් නැහැ සිතූ අපි නගිමු, අපි බහිමු මොකද ඉතිං අපි දෙන්නම නේ..

නගිමු බහිමු කතාවෙන් මගේ හිත ගැස්සුනා. අපේ එවුන් ඒ කාලෙම කිව්වේ මේකි වන්දනා නඩ එක්ක හොඳට නැගපු බැහැපු කෑල්ලක් වෙන්න ඇති කියලමයි. ඒත් මම ඒ සැකය මොහොතකට හංගා ගත්තා.

“නැ කෙල්ලෙ මම ඔයාට බොරු කිව්වේ. ඒ බිල්ඩින් එකේ ලිෆ්ට් එකක් තියෙනවා. ඒ ලිෆ්ට් එකේ බටන් එක ඔබලා මේ බලලා මේ බලද්දි අපි හැත්ත පස්වෙනි තට්ටුවේ... “

“හොර කොල්ලා.. මාව බොරුවට බය කළා.. මෝඩයා..“

 කතාවෙන් කතාව අපි ගේ ලගටම ආවා.

“බහින්න කුසූ...“

“හානේ.. මේ බිල්ඩින් එකේ උසඅඅඅ...“

“අඅ.බ්.. හරි යමු..“ මම බෑග් ටිකත් අරන් ඉස්සර වුණා.

*******

“ෂික්... අදම ලිෆ්ට් එක කැඩිලා.. සොරි කුසූ අපි මොකද කරන්නෙ??“

“මොනා කරන්නද සිතූ කෝමෙන් හරි නගිමු..“

“හරි.. මම විසිපස්  වෙනි තට්ටුවට වෙනකල් ඔයාගෙ පාලු මැකෙන්න සිංදු කිය කියා නගිනවා..“

“ෂාහ්.. නියමයි නේ..“

“හැබැයි ඊට පස්සේ විසිපස්වෙනි තට්ටුවෙ ඉදන් පනස් වෙනි තට්ටුවට වෙනකල් ඔයා සිංදු කියන්න ඕනේ..“

“අනේ.. මට ඔයාට වගේ සිංදු කියන්න බැහැනෙ සිතූ..“

“හරි.. සිංදු බැරි නම් මොනා හරි කියන්න ඕනෙ...“

“ආ.. මං කතන්දර කියන්නම්..“

“හහ්.. ඒක හොදයි..“

“එතකොට පනස් වෙනි තට්ටුවෙ ඉදන් හැත්තැපස්වෙනි තට්ටුවට යනකල්.. “

“ආා.. එතැන ඉදන් මම ආයෙත් සිංදු කියනවා..“

“ෂාහ්.. නියමයි නේ.. එහෙනම් මේ ලිෆ්ට් එක කැඩිච්ච එකමයි හොඳ.. යං...“


කුසූව ඉස්සරකර ගත්ත මම සිංදුවක් කියාගෙනම පඩිපෙල නගින්න ගත්තා.

“බැරි බර කරේ තියන්... දෙපයට වාරු අරන්.. අපෙ බඩ කට පුරවනවා...“

“ෂාහ්.. නියමයි නේ සිතූ...“

“ආන්... ඔන්න හරි.. අපි විසිපස්වෙනි තට්ටුවටම ආවා... දැන් ඔයාගෙ වාරේ..“

 “අනේ සිතූ.. මට ලැජ්ජයි... මම කියන්නම්.... ම්..... පනස් වෙනි තට්ටුවෙ ඉදන් හැත්තැ පහට මම කියන්නම්...ම්.... පනහ වෙනකලුත් ඔයාම සිංදු කියන්න කෝ..“

“හහ්හා.. හහ්හා.. හහ්හා.. (හති යවමින්) හරි මෙතැන ඉදන් පනහට මම ම සිංදු කියන්නම් හැබැයි ඉතිං පනහේ ඉදන් හැත්තෑ පහට ඔයා සිංදු කියන්න ඕනේ..“

“හහ්හා.. හහ්හා.. හහ්හා.. (හති යවමින්) හා.. හරි හරි...“

මං ආයෙත් සිංදුවක් කියාගෙන පඩි නගින්න පටන් ගත්තා...

“ඔබ හා මෙමා.. අතිනත් අරන්.. අපගේ ලොවේ.. තනි වූ එදා..“

“ආහ්.. හරි.. ඔන්න පනස් වෙනි තට්ටුවටත් ආවා.. හහ්.. හහ්.. දැන් ඔන්න ඔයාගෙ වාරේ..“

“ඒ කියන්නෙ දැන් මං කතන්දර කියන්න ඕනෙ නේද සිතූ..“

“ඔව්, ඔව්, ඔව්.. දැන් නම් කියන්නම ඕනේ...“

“අනේ සිතු.. වෙරි සොරි...“

“ඇයි... ? ඇයි කුසූ...“

“මම කතන්දර නම් ඕනෙ තරම් කියන්නම්.. ඒත්...“

“ඇයි කුසූ ඒත් කියන්නේ?????“

“මට ඉස්සෙල්ලාම ඔයාට කියන්න තියෙන්නේ... ගොඩාක් දුක හිතෙන කතාවක් සිතූ..“

“ඒ.. ඒ.. මොකක්ද කුසූ ඒ...??“

“මේකයි ඒ දුක හිතෙන කතාව සිතූ..“

“මොකක්ද කුසූ..“

“ඔ.. ඔයා.. ඔයාා මට දීපු අපේ ගෙදර දොරේ යතුර...“

“ඔව් කුසූ...“

“මං ඒක... ක.. කාර්.. කාර් එකේ අමතක කරලා ඇවිල්ලනේ සිතූ...“

Wednesday, February 4, 2015

අපේ නොවන - සුද්දාගේ එක.. !!




මිදී බේරී රිද්දා

 කොඩිය ඉහලට ඇද්දා

ඈත් වී ගොස් හෙලයා

නිදහස විදියි සුද්දා

sAm_ශ්‍රී_perera_04/02/2015
Related Posts Plugin for WordPress, Blogger...