Monday, May 21, 2018

ත්‍රීවීල් සහ පරිකල්පන මෙව්වා එක... SL Tuk Tuk Habits !!


ත්‍රීවීල් අයියලා මරුය. එයාලා කරන්නේ සමාජ සංවර්ධනයක්ය. අපි ඉස්කෝලෙ ගියාට පස්සෙ මොලේ කල්පනා කළේම නැතිය. විභාගයකට ඇරෙන්නට අපි මොලේ කල්පනා කරන්නේ බොහෝ අඩුවෙන්ය. ඒ මොලය බ්‍රෑන්ඩ් නිව් තත්වයෙන් පවත්වා ගැනීමටය. කල්පනා කළොත් අපරාදේය. එක්කෝ බරටම කල්පනා කර, ප්ලෑන් කර වැඩක් කළොත් මොලේ කල්පනා කර කෙරුවාට වඩා හොදින්ම අල වෙනවා ෂුවර්ය. ඒ තරමට අපේ මොලේ අපිටම ගැලපෙනවාය. ඉතිං ඉස්කෝලේ ගියාට පසු පාවිච්චි නොකළ සෑමාගේ  මොලය පාවිච්චි කරවන්නේ ත්‍රීවිල් අයියලාය. එමඟින් සෑමාගේ පරිකල්පන මෙව්වා එක ඉතා ඉහළ මට්ටමක ඇති බව කිව යුතුය.



අද උදේ සෑමාට ඉදිරියෙන් ගිය ත්‍රීවීල් එකේ අයියා මාරම ඩෑල් එකක්ය. හෝන් එකසිය එකක් පමණ නාද කළේ ඊයේ දහම් පාසැලට දාන්නට ගිය දරුවා අද රැගෙන යන්නාක් මෙන්ය. ඒ හෝන් එක වාර එකසිය එකට නාද වූයේ රටා එකසිය එකකින්ය. මෑන්ස්ට සෑමා ඉඩ දුන්නේය. ඉස්සරහින් ආ ටිපර් එකේ අයියාද ඉඩදුන්නේ පුංචි උනත් හරිම සැරයි ත්‍රීවීල් ඇටේ කියාගෙන විය යුතුය. සෑමාට රවාගෙන ඉදිරියට ඇදුන ත්‍රීවීල් අයියා වම්පැත්තට සිග්නල් දමාගෙනම ගියේය. සෑමාව ඉස්සර කළේද මෑන්ස් වමට සිග්නල් දාගෙනය. මොහොතකින් සෑමාට තත්වය වැටහුනේය. පාන්දර මේ අයියා කරන්නට යන්නේ සෑමාගේ පරිකල්පන ශක්තිය උරගා බැලීමක්ය. ඉතින් දැන් කල්පනා කළ යුතුය. එක්කෝ මෑන්ස්ගේ සිග්නල් ලයිට් ඩිෆෝල්ට් එන්නේ එහෙම විය යුතුය. ඒක නම් කොහෙත්ම විය නොහැකි බව සෑමා තනියම සිනා සෙමින් ප්‍රතික්ෂේප කළේය. කල්පනා කරමින් සෑමා බෙන්තොට බේක හවුස් ලඟ නැවැත්තුවේය. එක්කෝ ප්ලේන්ටියක් බොමින් කල්පනා කළ යුතුය.

ඇතුලට යද්දී ත්‍රිවිල් අයියාද එතැනය. පොර තකහනියේ ඇවිත් ඇත්තේ මාළු බනිසක් ගිලින්නටය. මෑන්ස්ට ගැස්ට්‍රයිටිස් විය යුතුය. හදිසියේ පැමිණ කෑම කෑවාට පව් නැතිය. හැබැයි පාන් පිටි කන එක නම් වැරදිය. යන්නට තිබුණේ මාතර බත් කඩයකට මිසක බෙන්තොට බේක් හවුස් නොවේය. හයිවේ දාන්නට තිබ්බා නම් ත්‍රිවිල් අයියා මාතර හෝ ගොස් බත් කඩයක් හොයා ගන්නවා ෂුවර්ය. මෑන්ස් අර මරුමුස් මුහුණ ම නැවත සෑමාට දැම්මේය. බනිසක් ප්ලේන්ටියක් සමඟ අයියාගේ මේසය මතම ඉදගත් සෑමා මෑන්ස්ට ටෝක්ස් කළේය. බලනකොට මෑන්ස් සපුගස්කන්දේය. අතුරු පාරකය. සෑමා පාර දන්නේ නැතිය. හැබැයි එක වචනයෙන් සෑමා මෑන්ස්ව අදුරනා තැනට කතා කළේය.

"ඔව් අයියේ ඔයෑලෑ මිඳුලෙන් පාරට දාලා වමට දැම්මාම හරි නේද?"

ත්‍රිවිල් අයියා ෆොක්ස් වීය. අන්න හරි මල්ලි. එතැන තමා අපෙ ගේ. සෑමා ගේ පරිකල්පනය දැන් දියුණුය. අර වමට දැමූ සිග්නල් එක, අයියා හැමදාම උදේට ගෙදරින් එලියට බහිනකොට දාන සිග්නල් එකය. ඉතිං අයියා වැරදි නැතිය. උදේම දාන සිග්නල් එක නිවන්නේ හවසටය. ත්‍රිවිල් වල හැන්ඩ්ල් එක කැරකෙව්වාට සිග්නල් ලයිට් ඕෆ් නොවනාව ඇතිය.

කඩෙන් එළියට බැස කිරිබත්ගොඩ පැත්තට යද්දී ඉදිරියට එන හැම එකාම හෙඩ් ලයිට් ගහනවාය. ටිකක් සැලකිලිමත් විය යුතු සීන් එකක්ය. ඉරි නොකැපිය යුතුය. සෑමා එකින් එක තමා සතු වැරදි මෙනෙහි කළේය. ලයිසම, ඉන්ෂුවරන්ස් සියල්ල හරිය. ආදයම් බලපත්‍රය හරිය. ඒත් වින්ඩ්ස්ක්‍රීන් එකේ අලවා නැතිය. අල්ලනවා නම් අල්ලා දඩ ගැසිය නොහැකි සීන් එකක්ය. වාතයක් වී යවන තරමේ වැරැද්දක්ය. කෝකටත් අයිනට කර වාහනය නවත්වා ගත් සෑමා ඉදිරියට ආවේ හෙඩ් ලයිට් දෙකම ගසා ගත් වීල් එකක්ය. හම්මට උඩු සුනිර අයියාය. සැලුයුට් එකක් ගසා සෑමා ඩෑල් එක පාරේ එහා පැත්තේ නවත්වා ගත්තේය. 

"මොකද පොලිසියෙන් ඉන්නවද ඉස්සරහ?" 

"නැහැ බං.. මම මේ දැනුයි පාර්ක් එකට යන්නේ.."

"අහ් ඊයේ මහ රෑ වෙනකල් හයර් සෙට් වුණා නේද??"

"ඔව් ඕයි ඊයෙ මරු.. කෝමද දන්නෙ??"

"ඒක තමයි හෙඩ් ලයිට් තාම ඔන්.. "

සුනිර අයියලා පවා වැඩ කරන්නේ සෑමාගේ පරිකල්පනය වැඩි දියුණු කිරීමටය. අන්න මිනිස්සුය. ඉස්කෝලෙ ටීචර්ලා වත් අපේ පරිකල්පන මෙව්වා එක ඔප්නැංවුයේ නැතිය. සුනිර අයියා විස්සාස කර ඉදිරියට යා හැකිය. වීල් එකක් අමුතු වදනක් තිබුණොත් සෑමා යන ගමන් වුවද ෆොටෝ එකක් ගසා ගන්නට මැලි නොවන්නේය. සමහර වීල් වල වදන් බොහෝය ඡේද කිහිපයකට එකතු කර ලිව්වොත් ශිෂ්‍යත්වයට වචන් 150කට නොඅඩු රචනාවක් ගොඩ දමා ගැනීම අපහසු නැතිය. එහෙව් වීල් එකක් සෑමා ඉදිරියෙන් ය. සෑමා ක්ෂණික ෆොටෝ එකක් ගසා ගත්තේ ට්‍රැෆික් එකේදී වදන් දහයක් කියවා ගත්තද තවත් වදන් අසූ අටක් පමණ ඉතිරිව තිබූ නිසාය. තවත් පිටුපසින් සිට වාක්‍ය කියවිය නොහැකි විය. සෑමාට දකුණු තීරුවේ ඉඩක් ලද නිසා ඉදිරියට යන්නට සිදු විය. වීල් එකේ අයියා සහ සෑමා එක කෙලින් තීරු දෙකකය. පොර ආතල් එකේය. සිනා මුවින්ය. සෑමා ෂටර් එක විවෘත කර තම පරිකල්පන හැකියාව මැන බැලුවේය.

"වදන් නම් වදන් ඔව්වා තමා මචං.."

"කෝමද හොදයි නේද?? මගෙ එව්වා.."

"ඒකනෙ කියන්නෙ.. අයියාට ස්ටිකර් ගහන යාලුවෙක් ඉන්නවද??"

"අහ ඔව් ඔව් තොරණ හන්දියෙක අහවල් ෂොප් එක මගෙ යාලුවෙක්ගෙ, මම වදන් දුන්නම උෟ ලෙසටම ගහල දෙනවා.."

සෑමා හරිය. තමන්ගේ පරිකල්පනය උපරිම මට්ටමක ඇත්තේය. තව දුරටත් පරිකල්පන මෙව්වා එක මැන බැලීම තවත් ප්‍රශ්න වලට අත වැනීමක් විය හැකි යැයි උපකල්පනය කළ සෑමා පරිකල්පන නිවැරදි දැයි විමසා බැලීම නවතා දැමුවේය.

Written_by_sAm_ශ්‍රී_9:45pm_21/05/18


17 comments:

  1. වදන් කියවන්නනම් ත්‍රීවීල් පස්සේ යන්න ඕනේ. පරිකල්පනේ වැඩිය උරගා බලන්න හොඳ නෑ.ත්‍රීවීල් අයියා දත් හාරන්න තියං ඉන්න උල් පිහියෙන් අපේ එව්වා මෙව්වා උරගා බලන්න එන්න ඉඩ තියෙනවා

    ReplyDelete
    Replies
    1. මම නම් පන්නලා කියවන්නෙ උන් ලියල තියෙන එව්වා..

      දත් හාරන්නෙ පිහියෙන්ද එයාලා ??

      Delete
  2. Shah!Niamayi.Sherlock Holmes paradayi!

    ReplyDelete
  3. හෙහ්.... සෑහෙන්න පරිකල්පනය දියුණු වෙලා වගේ සෑමගෙ...

    ReplyDelete
  4. මේක කියෝල මගෙත් පරිකල්පන මෙව්ව එක මෙව්ව උනා බං.

    ReplyDelete
    Replies
    1. පරිකල්පනේ කියන්නෙ අහවල් එක නෙවෙ බං !!

      Delete
  5. මම මේ පරිකල්පනේ තව ටිකක් වැඩි දියුණු කරගන්න අභියෝගයක් ඉදිරිපත් කරන්න යද්දි මෙන්න මූ පරිකල්පනේ නවත්වලාලු...

    මමත් කවදාවත් වින්ඩ්ස්ක්‍රීන් අලවන්නෑ බන්.. මොකක්ද එකට දඩුවම....?

    ReplyDelete
    Replies
    1. මලත් කමක් නැ අභියෝගෙ දියං කෝ..

      දඩ ගහන්නෙ නම් නැහැ. දැන්ම අලවං ඇවිත් පෙන්නන්න කියන උන් ඉන්නව !

      Delete
  6. ත්‍රිවිල් වල වෙලාවකට අලවලා තියෙන වදන් දැක්කම පිස්සු මඤ්ඤං වෙලා මොලේ ඔල්මොරොන්දම් වෙනවා

    ReplyDelete
    Replies
    1. එව්වා ආතල්..

      හැබැයි උන් ඉංගිරිසියෙන් ගහන එව්වා සිංහලට හරවන්න තමා බැරි

      Delete
  7. ත්‍රිවිල් අයියලා⁣ගෙන් අපල කාලයක්ද සෑම්ශ්‍රි..

    ReplyDelete
  8. වැස්සට විතරද ආටා.... +++++

    ReplyDelete
  9. හැක් පරි කල්පපන මෙවිව එක.

    ReplyDelete
  10. සුදු කකුලයි කොට සායයි හරි අවදානම්..

    ReplyDelete
  11. මෙහෙට එන්න මං සලකුණු ලියාලා
    තියෙනව නමී post එකක් ගොතාලා!
    ගෝඨා ගෝ ගමේදී මුණ ගැසීලා
    සතියයි සෑම්! ලියමුද හිරි කඩාලා

    ReplyDelete
    Replies
    1. නමීගේ පෝස්ටුවට:
      https://namiyageweediya.blogspot.com/2022/04/blog-post_28.html#comment-form

      Delete

Related Posts Plugin for WordPress, Blogger...