පෙනෙන තරමට එහායින්....

මහ හොරුන්

තක්කඩින්

දැක දැකත්

නොසැලෙමින්

මහ දවල්

වෙහෙලෙමින්

සිසලක්

ගෙන දෙමින්

අත මුදල්

මිටමොලන්

අභිසරුන්

පිට තියන්

ගණු දෙනුත්

සිදුකරයි

විදගමින්

සිසිලසක්

හෙට දිනන

ලොතරැයිය

දහස් දන

රවටමින්

උණු උණුවෙ

විකිනෙන්නෙ

නුඹ යටින්

සැනසිල්ලෙ

වැරහැල්ල ඇදගත්ත

දනන් අතපා දුවන

කාසි නොමදී යනෙන

මිනිසුන්ට බැන වදින

හිගනුන්ට සෙවන දෙන

මැදුම් පිලිවෙත නුඹය

අගනුවර

කැලඹිල්ල

බුද්ධගයා

සැනසිල්ල

එදා - අද

ඇති වෙනස

වැටහුනිද

අද නුඹට

සෑමා දුටු "පිටකොටුවේ බෝ ගහ"

කොන ආරක්ෂා කර ගැනීම - ජාති වාදය නොවේ....

මුලින්ම කිව යුත්තේ සෑමාට විවිධ ජාතීන් සහ ආගම් වල මිතුරන් සිටින බවත් මෙය ජාතිවාදය ඇවිස්සීමේ පෝස්ටුවක් ‍නොවන බවය.

කොන ආරක්ෂා කිරීම කිව් විගස මතක් වන්නේ මුස්ලිම් තරුණයන්ය. ඒ ඔවුන් උප්පත්තියේදීම ඔවුන්ගේ ආගමික කටයුත්තක් ඉටු කරන නිසාය. එය හුදෙක් ආගමානුකූලව සිදුවන්නකි. එසේම පසුකලෙක වෛද්‍ය අර්ථ දැක්වීම්වලට අනුව පැවසුනේ එය ආගමික කටයුත්තක් ලෙස සිදුවුවද පුරුෂ ලිංගයේ පවිත්‍රතාවය රැක ගැනීමට පවා ඉවහල් වන බවය. දැන් මෙය කියවූ සියළු ස්ත්‍රින් මුස්ලිම් තරුණයන් කරා ඇදී යාමට ඉඩ ඇත්තේය. ඉන්පසු අනෙක් සියළු ජාතීන්, හා ආගම් වල කොල්ලන් රෙදි උස්සාගෙන සෑමා පසු පස ලුහු බදිනු සහතකය. ඒ නිසා සෑමා තරයේ කියා සිටින්නේ හැම කොල්ලාම තම පවිත්‍රතාවය පිළිබද සැලකිලිමත්ව සිටින බවක්ය. ක්‍රිකට් මැච් එකකදී තමා අත ඇති පන්දුව දිලිසෙන තරමට පොලිෂ් කරන කොල්ලෝ, තමන්ගේ දෙයක් ඊට වඩා හොදින් ආරක්ෂා කරන බවට තර්කයක් නැත්තේමය.

සෑමා කොන ආරක්ෂා කරගත් අයුරු මේ කතාවට පසුව බැලිය හැකිය.

එකෝමත් එක රටක සියළු ආගම් වලට ගරු කරන පොරක් සිටියේය. පොර අමාරුවෙන් හරි හම්බ කර වාහනයක් ගත්තේය. වාහනය ගත් විගස පොරට සිහි වුයේ තමා වාහනය සියළු ආගමික සිද්ධස්ථානවලට ගොස් ආරක්ෂා කර ගත යුතු බවය.

පොර පන්සලට ගියේය. පිරිත් සජ්ජායනා කොට, පිරිත් පැන් ඉස වාහනයට සියළු ආගමික වත් පිලිවෙත් ඉටු කරන ලද්දේ පන්සලේ හාමුරුවන් විසින්ය.

පොර කිතුනු පල්ලියට ගියේය. එහිදී විවිධ ගීතිකා ගයමින් පල්ලියේ පියතුමන් විසින් වාහනයට බ්ලෙස් කළ ජලය ඉසින ලද්දේය.

ඉන්පසු පොර ගියේ හින්දු දේවස්ථානයටය. එහිදී දෙහි, මිරිස් අමුණා වාහනයේ ඉදිරියේ එල්ලන ලද්දේ දේවස්ථානයේ සාමි තුමා අතින්ය. තවද සියළු ආගමික වතාවත් සිදු කරන ලද්දේය.

පොර සියල්ල අවසන ගියේ මුස්ලිම් පල්ලියටය. එහිදී පොර වාහනයෙන් බැස පල්ලියේ පියතුමා බැහැ දැක කීවේ තම වාහනයට සියළු ආගමික කටයුතු කර ගත යුතුව ඇති බවක්ය. පල්ලියේ පියතුමා සියළු ආගමක කටයුතු අහවර වන තුරු ඔහුට වාහනයට නැග තම ඇස් පියාගෙන සිටින ලෙස කීවේය. ඔහු පියතුමාට වන්දනා කොට වාහනයේ අසුන් ගත්තේය. ඇස් පියාගෙන සිටින ඔහුට මොහොතකින් වාහනය පිටුපසින් ටකරං කපන හඩක් ඇසී බිමට බැස බැලුවේය.

පිටුපසට ගොස් බලන කළ පියතුමා ඔහුගේ සයිලන්සරයේ කොන් කොටස කපා අවසානය.

සෑමාට පාසල් කාලයේද කොන ආරක්ෂා කර ගැනීමට මහත් පරිශ්‍රමයක් දරන්නට වුයේය. ඒ අපේ හැම එකාම කොනට ආසා නිසාය. පන්තියේ බිත්තිය අයිනේ යකඩ දැල අසල හිද ගැනීමට කවුරුත් කැමතිය. පාසල් සමයේ බොහෝ විට සෑමා ඒ කොන ජය ගත්තේය. නමුත් සියළු බලාපොරොත්තු බිද දමමින් සෑමාට කොන බේරා ගැනීමට සටනක් කරන්නට වූයේ ඒ-ලෙවල් පන්තියේදීය. ඒ අපේ පේලියේ කොන සෑමාගේ මිත්‍රයෙක් අල්ලාගෙන සිටි නිසාමය.

පළමු දිනය සෑමා කොන අහිමිව සිටියේය.

දෙවන දිනය සෑමා කොන දිනා ගැනීමේ සටන ඇරඹුවේය. පොතක පිටුවක් කඩාගෙන ‍ගොටුවක් සාදා ගත් සෑමා ‍ගොටුව පිරෙන්නට කෙල පිඩක් මුසු කලේය. එය ‍‍ගොටුව මදක් පොගන ලෙස ටික වේලාවක් මේසය මත තබාගෙන සිටිය යුතුය. නැතිනම් සටනට අව‍ශ්‍ය මූලික කරුණු සම්පූර්ණ නොවන්නේය. ගොටුව හොදින් කෙළ වලින් පෙගුනු පසුව එය ගුලි කර බිත්තිය අයිනේ සිටින පුද්ගලයා අතට යන තුරු අතින් අතට යැවිය යුතුය.

"මේ මොනද බං මේ.."

"ඕක යවහං බං දැලෙන් එලියට විසික් කරන්න කියලා.."

"මොනාද බං තෙතම තෙතයි..."

"හරි හරි ඉක්මනට විසික් කරපං බං..."

එසේ ගොටුව ක්‍රමයෙන් කොනට පාස් වන්නේය. එකිනෙකා ඇගිලි තුඩු වලින් අල්ලා පාස් කරද්දී බිත්තිය අයිනේ සිටිය කොන අල්ලා ගත් ආක්‍රමණිකයා අතේදී...

"මචං ඉක්මනට විසික් කරපං, ඕක දැන් හොදට පොගලා තියෙන්නේ... නැත්තං කෙල බෙට්ට උබේ ඔඩොක්කුවට වැටෙයි" කියා කිව යුතුය. එවිට ඔ‍හු හොද කුණු හබ්බයක් කියමින් එය එලියට විසික් කරන්නේය.

ඕනැම සටනක ජයග්‍රහනය ලැබීමට නොකඩවා තම සතුරාට පහර දිය යුතුය. එසේ දින කිහිපයක් කිරීමේදී ...

"අපෝ අපිට බැහැ බං හැමදාම මුගෙ කෙල ගොට්ට පාස් කරන්න.."

"වද නොදී ඔය මුල්ල සෑම්ට දීපංකෝ..."

කියමින් අනෙක් එවුන් ආක්‍රමනිකයාට බල කරද්දී, ආක්‍රමණිකයා කොන අතැර සෑමා අතට පත්කලේ නිතරගයෙන්ය.

එලෙස බුද්ධිමත් වූ සෑමා කොන බේරා ගත්තේය.

Written by sAm_4.50pm_25.06.2012

සෑමා සමග සිටියේ සිරාම සෙට් එකක්ය. නැතිනම් අද සෑමා බ්ලොග් ලෝකයේ නැත්තේමය.

සංගා උඹ 199යි.... ඒත් අපිට උඹ දාහක් වටින්නේය..

ඉස්සර සෑමා ක්‍රිකට් බැලුවේ කරේ තබාගෙනය. සෑමා පමණක් නොව අහන දකින හැම එකාම එහෙමය. දැන් ක්‍රිකට් මේනියාව ඒ තරමට නැත්තේය. එයට හේතුව ක්‍රීඩාවේ දේශපාලනීකරණය නොවේදෝ සිතිය හැක්කේද? දක්ෂයාට, සුදුස්සාට තැන නොදී තමන්ගේ එකාට ක්‍රිකට් පිත්ත දීමට තැත් කිරීම, රගර් බෝල දීම, හොද පුටු දීම, සිදු වූ කලෙක ක්‍රීඩාව මෙන්ම රටම සිහිනයක් නොවන්නේ නොවේද?

ඇත්තටම දැන් සෑමාට ක්‍රිකට් ඇලජික්ය. එසේ වීමට හේතුව ලෙස සෑමා තම ඇගිල්ල කෙලින්ම දිගු කරන්නේ වර්ථමාන සාටක පාලු දේශපාලුවන්ටය. උන්ට කොන්දක් නැත්තේමය.  ලෝක කුසලානයේ අවසන් තරගයේ ශ්‍රී ලංකාව පරාද වුයේය. ඒ කියන්නේ අපේ කොල්ලෝ 'රන(ර්)ස් අප්ය' එනම් ලෝක කුසලානයේ දෙවෙනි තැන ගත්තේය.

ඉක්බිතිව මසක් ගත වුනේය.

ක්‍රිඩා ඇමති ජාතිය ඇමතුවේය. "ක්‍රිකට් මණ්ඩලය පාඩුයි" හේ රෙදි උස්සා කට ඇර කීවේය. සෑමාට මතක් වූයේ තමා දිනපතා පාන්දර පියන උස්සා හිද ගන්නා කොමඩ් එකය. ලැජ්ජා නැත. කුණු ජරාවම අදින්නේය. පැවැත්මක් තියෙන්නේ ජරාව ඇති තාක්මය.

තත්වය එසේ විය.

ලගදී තිබුනේ රූපවාහිනී තරග විකාශන අයිතිය පැවරීමේ සෙල්ලමක්ය. එයට ටෙන්ඩර් කැදවා වැඩිම ඉල්ලුම සහිත රූපවාහිනී ආයතනයට පැවරීම ඉතා වාසි දායකය. එය ක්‍රිකට් ආයතනය දැඩි මූල්‍ය අර්බුධයක පැටලී ඇති බව කියන අයගේ බුද්ධියට නෙදැනීම අරුමයක්මය. එසේ තිබියදී අයිතිය පැවරුවේ ක්‍රිකට් ආයතනයට කිසිම මූල්‍ය වාසියක් නොවන ආකාරයට. ඒ ලගදී එලි බැස ගත් කාල්-ටොන් එකටය. කාල්ටන් කියද්දී සෑමාට මතක් වන්නේ අපේ ගමේ ග්‍රාමසේවක මහතාගේ රගර් ගහන පුතාය. ඒ කතාව මෙතැනින් බලන්න. මෙහි විකාශන අයිතිය ලබා ගැනීමට එම්.ටී.වී/එම්.බී.සී මාධ්‍යය ජාලය පවා අයදුම් පත් ඉදිරිපත් කර ඇති බව සදහන්ය. එසේ තිබියදී ටෙන්ඩර් පටිපාටියෙන් බැහැරව එම අයිතිය පිටට නොදී පවුලේම තබා ගැනීම ක්‍රීඩාවට සේම රටටද මරු අත වනද්දී සැලයුට් ගැසීමක් වැනිය.

නිවැරදි නොවන වැරදි හැමදාම එසේමය. ඒත් මව්බිමේ ආලවන්තයෝ නිහඩය. සළු පිලි දරාගෙන ගොරවන්නෝය. සද්දය සහ ගද පමණක් හමන්නේ ජාත්‍යාලය පුබුදුවමින්ය. ඒත් වැඩ කියලා වැඩක් නැත.

මෑතකදී ආසියානු යොවුන් මලල ක්‍රීඩා තරගාවලියක් තිබුනේය, එහිදී එක් ඉසව්වකට ශ්‍රී ලාංකික ක්‍රීඩකයෙක් සහභාගි වූයේ පැලදීමට ක්‍රීඩා සපත්තු යුවලක්ද නැතුවමය. ඔහු එම තරගයෙන් අවසානයට ආවේය. ජපන් හෝ චීන ක්‍රීඩකයෙක් ප්‍රථම තැන ගත්තේය. ඔහු පැමිණ තමා පැලද සිටි සපත්තු යුවල අපේ ක්‍රිඩකයාට දෙද්දී ඔහු සතුටු සිනා සැලුවේය. අවාසනාව අපේ ක්‍රීඩකයන්ට සපත්තු පැලදවීමට අපේ එකාලට නොහැකි වීමය. සෑමාට සිනහ පහල වෙන කාරනාව නම් ඊට පෙර සතියේ ඉන්දියාවේ සුපිරි නිලියන් ගෙන්වා අපේ රට ඇතුලේ රගර් ගැසීමය. කෝටි ගණන් වියදම් කිරීමට හැකි එකාලාට ක්‍රීඩකයන්ට පහසුකම් සැලසීමට මුදල් නැත්තේමය. 

අද සංගා පකිස්ථානයට එරෙහිව 200ක් ගහන්නට සැරසුනේය. ඒ අන්තිම විකට්ටුව හමුවේය. ඔහු ලකුණ දෙසීයය ලකුණු පුවරුවේ සටහන් වන පරිදි එක ලකුණක් දමා එහා පැත්තට පැන බැට් එක එසෙව්වේය. ඒ දින දෙකක දහඩිය ලංකා පොලවට පතිත කරවිමින්ය. සංගා බැට් එක ඔසවද්දි මහේල ඇතුලු ක්‍රීඩා ගාරයේ සැම කීවේ ලකුණු පුවරුවේ 200 සටහන් වීම වරදක් බවත් නිවැරදි ලකුණු ප්‍රමාණය 199 බවත්ය. ඇත්තටම ලකුණ දමන එකාට සිදු වූ වැරුද්දක්ය.

සංගා හිත හදා ගත්තේ ඊලගට එහා පැත්තට ගොස් ලකුණක් දමා නැවත ‍තම මෙහෙය, නිහතමානීව සැමරීමටය. සංගා යනු තමා දැවී ගියේ නම් විනිසුරුගේ තීරනය ලැබෙන තෙක් නොහිද ක්‍රීඩාගාරයට පිය නගන නිහතමානී ක්‍රීඩකයෙක්ය.

සංගා එහා පැත්තට ගොස් ලකුණක් දමන්නට සිටියදී එහා පැත්තේ සිටි ක්‍රීඩකයා ඊලග පන්දුව දැවී ගියේය. සංගාගේ දෙසීය මෙන්ම, ලංකා ඉනිමේද අවසානය එසේ විය.

එහෙත් සංගා පසුපස පකිස්ථානුවෝ පවා පැමිණ සුභ පැතුවේ ඔහුගේ දක්ෂතාවය නිසාමය. එසේම "සංගා උඹ රටට මැණිකක්ය"

ලකුණු පුවරුවේ ලකුණු දැම්මේ මහින්ද මාමා නෙවේය. ඒ අසල සිටියේ ක්‍රීඩා ඇමති නෙවේය. එහෙත් කවදා හෝ ක්‍රීඩාවට අත්වන ඉරණමට වගකිව යුත්තේ බලධාරීන්ය. එදාට උන් වේදිකාවේ ඡන්දය ඉල්ලමින් දගලද්දී රතිචඤ්ඤා දමමින්, විසිල් ගසමින්, බල්ටි ගැසූ මෝඩ චූන් කාරයෝද, (අහිංසක ජනතාව නොව) වග කිව යුතුය.

Written by sAm_8.55pm_23.06.2012

කලින් පෝස්ටුවක ඇනෝ කමෙන්ටුවක් වැටී තිබුනේය. ඒ සෑමා ජනරාල්ට කඩේ යනවා කියාය. ඊට රිප්ලයි කමෙන්ටු නොදා තවමත් හිස්ව තිබෙන්නේය. ඒ සෑමා මැක්කෝ සමග නැගිටීමට අකැමැති නිසාය.

"ඔව් සෑමා කඩේ යන්නේය. ඒ මනුෂත්වය සදහාමය"

අපි අමාරුවෙන් ගොඩ ආපු කොල්ලෝය.

මේක කාන්තාවන්ට ඇලජික් පෝස්ටුවක් විය හැකිය. ඒත් මනාප ඇත්තියෝද සිටිය හැකිය. මේ සියළු කොල්ලන්ගේ අමිහිරි අතීතයක් ගැනය. ඒ කෙල්ලෝ නිසා අසරණ වු අවස්ථාවක් නෙවේය. හුදෙක් තාක්ෂණය සමග ගැටීමේදී සිදුවූ මතකයන්ය. විටෙක අමිහිරිය, බොහෝ විට මිහිරිය.

මීට පෙර සෑමා කොත්තා සමග ඔට්ටු ඇල්ලූ සාලිය නයිට් රයිඩර් සර්කිට් එක ගහපු හැටි ලිව්වේය. (මෙතැනින් බලන්න) එය සෑමාගේ බ්ලොගේ හරියටම හත් වෙනි පෝස්ටුවය. ඉන් පසු මෑත භාගයේ සරාගේ ලෝකයේ සරත් දැම්මේද ඉලෙක්ට්‍රොනික් පෝස්ටුවක්ය. එය දුටු සෑමාට සිහිවුයේ කටුක අමිහිරි අතීතයක්ය. එය මෙසේය.

සෑමා පොඩි කාලයේ වයර්, ඇණ මුරිච්චි සමග ගත කලේය. පොත් තබන මේසය පුරා පොත් වලට වැඩියෙන් තිබුනේ යකඩ බඩුය. සෑමාට අම්ම බැන්නේද කොයි වෙලේ හරි ඔය යකඩ කම්මලත් සමග ගෙදරින් පන්නනවා කියාය. ඒ කරන්ට් එකට අත ගසන නිසාමය. සෑමා 3 වසරේ දී නිල් වෙන්න කරන්ට් වැදුන කොල්ලෙක්ය. පැයක පමන කාලයක් සිහි නැතිව සිටියේය. ඒ අපේ නිවස හද කාලයේ කරන්ට් ලීක් වීමක් නිසාය. ඉස්කෝලෙ ඇරී නිවසට ආ සෑමා අම්මා සමග ඉහල මාලයේ බාස් අංකල්ලා වැඩ කළ සැටි බලන්නට ගියේය. එවිට අංකල්ලා කෑමට ගොස්ය. පොලොව පුරා වතුරය. ඒ ටෙරාසෝ දමන නිසාය. සෑමා කාමරයකට රිංගා යකඩ ඩ්‍රිල් එකක් අල්ලා ඇත්තේය. අම්මා නොදැන සෑමා බොහෝ වෙලාවක් එහි ඇලී සිට ඇත්තේ කරන්ට් ලීක් එකක් නිසාය. ඉන්පසු ඉස්පිරිතාලේ ගෙන යන අතරතුර සිහි එලැබ නැවත ගෙදර ගෙන විත් ඇත්තේය.

ඉන්පසු ඉලෙක්ට්‍රොනික්ය.

පහ, හය වසර වලදී සෑමාට පරණ විෂය නිර්දේශයේ විද්‍යා පොත් සෙට් එකක් ලැබුනේය. ඒවා සෑමාගේ තාත්තාගෙන් උස්සපුවාය. මතක හැටියට පරණ නිර්දේෂයේ නවය සහ දහය ශ්‍රේණි වල ඒවාය. එහි සුළු ප්‍රමාණයේ ගැජමැටික්ස් ගැන තිබ්බේය. බැටරියක ඇති කාබන් කුඩු භාවිත කර කන්ඩෙන්සර් මයික් එකක් සෑදීමේ ක්‍රියාවලියක් පවා තිබ්බේය. සෑමා එය සාදා බැලුවේය. තව එක එක ඒවා තිබ්බේය. ඒ අතර සෑමා සතුව 'සෙනිත්' එකේ සර්කිට් පොත් සෙට් එකක්ද විය. ඒවා සෑමාගේ අයියා භාවිත කළ ඒවාය. ඒ කාලේ හදපු එල්.ඊ.ඩී ලයිට් දෙකක් නිවි නිවි පත්තුවෙන සර්කිට්ටුව සෑමාට තාම මතකය. එල්.ඊ.ඩී 2යි, C828 ට්‍රාන්සිස්ටර් 2යි, 100uF කැපසිටර් යි, 22k රෙසිස්ටර් 2යි සෑමාට අමතක නොවන්නේමය. පසු කලෙක D400 ට්‍රාන්සිස්ටරයද එක්ව බල්බ් 30ක බුදුරැස්මාලාවක් තැනුනා සෑමාට මතකය.

සෑමා ඒ කාලේ ගියේ ගමේ ඉස්කොලෙටය. ගමේ සර්කිට් බඩු ගන්නට කඩයක් නැතිය. සෑමා ඉස්සර අයියා පාසැල් ඇරී එනතුරු බලා සිටින්නේ සර්කිට් කැබලි රැගෙන එනතුරුය. ඒ පොර කොළඹ ඉස්කෝලෙට ශිෂ්‍යත්වෙන් ගිය නිසාය. අපි ඒ කාලේ වැඩි භජනයක් නොමැත. විටෙක පොර සර්කිට් බඩු ගෙනවිත් එක එක ඒවා හදන්නේය. සෑමාද ඔළුව දමන්නේය. සමහර දිනෙක ලුණු කුඩු සහ මිරිස් කුඩු මිශ්‍රව ගෙනෙන දිවුල් ගැට වලට සෑමා සේම, සෑමාගේ අක්කාද මනාපය.

එල්.ඊ.ඩී බල්බ් (Light Emitting Diode - ආලෝක විමෝචක ඩයොඩ)

මලකඩ කාපු පින් සහිත බල්බ් දැම්මාට ගණන් ගන්න එපාය. ඉස්සර අපිට තිබ්බේ මේවාය. අනික මෙහෙම පින් කෙලින් ඒවාට වඩා තිබ්බේ ඇබරිලා ගිය පින් සහිත බල්බ්ය. ඒ පුංචි සර්කිට් වයර් සමග ඇඹරීම නිසාය. නැතොත් තව බල්බ් එකක පින් එකක් සමග ඇඹරීම නිසාය. පාදයේ දිග කොට අනුව +/- සොයා ගත්තද පින් කැඩුනහොත් +/- සොයා ගත්තේ බල්බ් එක පැත්තේ තිබුන කඩතොලු ව නිසාය.

මේක ඒ කාලේම ආපු එකක්ය. පින් තුනක්ය. වරණ දෙකක්ය. මෙය අතට ලැබුන මුල් කාලේ නම් සෑමාට පට්ට මැජික් එකක් විය. පොදු එක ධන අග්‍රයක් තිබියදී අනිත් අග්‍රය සෘණය.

මේ සියල්ල මැද්දේ පණ මෙන් ආරක්ෂා කරපු බල්බ එකක පින් එකක් අග්ගිස්සෙන්ම කැඩී ගිය අවස්ථා බහුලය. එවන් බල්බ විසික් නොකර අමාරුවෙන් හෝ කාලයක් පත්තු කළ අවස්ථා එමටය. ඒ සෑමාට පෑස්සුම් යන්ත්‍රයක් (බවුත් එකක්) ඒ කාලේ නොතිබුන නිසාය. මුල්ම උපකරණය අ‍ප නිවසට ගෙන ආවේ සෑමාගේ අයියාමය. ඊට පෙර අපි භාවිත කලේ මිට ගැසු බයිසිකල් ස්පෝක් කම්බියක්ය. එය ලාම්පුවක තබා රත් කර ක්ෂණිකව ඊයම් සමග තැබිය යුතුය. දිනක් සෑමාගේ අයියා එවන් බවුත් එකක් රත් කරගෙන නිවස ඇතුලට දිව එද්දී අපේ මහප්පාගේ දුව (සෑමාට අක්කා) හරහට පැන අත දිය බුබුලු එන්නට පුච්චා ගත්තා සෑමාට මතකය. ඒ සෑමාගේ අයියා අම්මාගෙන් නොසෑහෙන්න ගුටි කෑ නිසාය.

බැටරි

මෙහි ඇත්තේ බැටරියක් නොව බැටරි කේස් එකක්ය. ඉස්සර බල්බ් එකකට වයර් අමුනා බැටරි අග්‍ර දෙකේ අල්ලාගෙන සිටීම තරම් අපහසු වැඩක් නැත්තේය. ධන අග්‍රයට හැට්ට කට්ටක් සිර කර වයර් එක ඇමිණිය හැකිය. එසේ වුවද සෘණ අග්‍රය වයර් එකට යට කොට තැබිය යුතුය. එසේම බැටරි එක මත එක තැබීම කළ යුතුය. ඒ එල්.ඊ.ඩී බල්බයක් දැල්වීමට අවම බැටර් 2ක් අවශ්‍යය නිසාය. එසේ බැටරි එක උඩ එක තැබීම හරියට ලංකා බැංකු ගොඩනැගිල්ල වගේය. බැටරි එක මත එක තැබීමේ පහසුවට බැටරි මැදට තබා කාඩ්බෝඩ් කැබැල්ලකින් එතීම පහසුය. එසේ ඔතා රබර් පටියක් දැමීම සිරිතය.

ඉස්සර සෑමාට තඩි බැටරි කැබලි නොමිලේ ලැබෙන්නේය. ඒ මහප්පාගේ නැෂනල් රේඩියෝවට දමන කැබලි 5න්ය. මසකට වරක් ඒවා අලුත් කරන නිසා සෑමාට රජ මගුල්ය. ඔය අතර සෑමාගේ අයියා පවර් පැක් 1ක් ගෙනාවේය. එය 1.5 - 12 දක්වා වෝල්ට් පරාසයක් සහිතය. එහෙත් බැටරි දැමීම පෝටබල් නිසා සෑමා බැටරියට පෙම් බැන්දේය.

බැටරි සමග බැටරි කේස් එකක්.

ටෝච් බල්බ්

ටෝර්ච් බල්බ් එක තරම් වදකාර බල්බ් එකක් ‍සෑමාට නොතිබ්බේය. ඒ බැටරියට වයර් හයි කරනවා සේම අපහසු නිසාය. එක වයර් එකක බල්‍බයේ බද වටා එතිය හැකිය. අනෙක් අග්‍රය යටින් ගෑවීම දුෂ්කරය. විවධ උප්පර වැට්ටි යොදා සවි කළද පෑස්සුමක් තරම් සාර්ථක නොවීය.

එසේ අපහසුවෙන් සිටියදී සෑමාගේ අයියා දිනක් ටෝර්ච් බල්බ් හෝල්ඩරයක් ගෙනාවේය. බොහෝ විදුලි පන්දම් තුලද ඇත්තේ මෙවන් එකක්ය. එයට වයර් සවි කිරීම පහසුය. බල්බය දමා කැරකවීම පමණක් කළ යුතුය.

මෝටරය

මේ ‍මෝටර යාන්ත්‍රණය ගැන අපි දැන ගත්තේ ඕලෙවල් කාලයේය. ඒත් සෑමා පොඩි කාලේ අත පත ගා තිබු නිසා දළ අදහසක් තිබ්බේය. මේවාට වයර් සවි කිරීම පහසුය. පොඩි කාලේ බුදුරැස් මාලා කැරකැවූයේ මේවා මගින්ය. බද රවුම් නිසා රදවා තැබීම අපහසුය. එනිසා සෑමා කැමති මේ හැඩයට නොවේය.

සෑමා මනාප මේ හැඩයටය. ඒ බුදුරැස් මාලාව කරකැවීමේදි රැදවීමේ ඇති පහසුව නිසාය. තවද මේවායේ වයර් හයි කරන අග්‍ර කැඩුනාම අපරාදේය. එවිට ඇතුලේ ඇති පිත්තල පතුරු දෙකට සපෝට් එකක් දමා මෝටරය ගොඩ දා ගත හැකිය. එහෙමවත් බැරිම වුවහොත් කාන්දම අප අ‍තේය. එය ඔක්කෝටම වඩා මරුය. ඉස්කෝලෙ ගෙනිහින් වැඩ දමන්නේ ඒ කාන්දම ආධාරයෙන්ය.

සරාගේ පෝස්ටුවෙන් ඉලෙක්ට්‍රොනික අතීතයට ගිය සෑමා මෙසේ සටහන් කලේය. සියල්ල සරලව කෙටියෙන්ය. තව පොස්ට් කිහිපයකට කරුණු තිබුනත් ඉලෙක්ට්‍රොනික අතීතය ලිවීමට හිතක් නැත්තේය. ඒ නිසා එකකින් සරල අහවර කලෙමි. ඒවා ලිවීම හිතක් නැත්තේ අකැමැත්ත නිසා නොව ඒ අමුතු ලෝකෙට යාමට කාලයක් නොමැති නිසාමය.

දන්නෙ නැහැ ඇයි කියල. ඇස් තෙත් වුනා. නිදිමතට මගෙ හිතේ.

Written by sAm_10.53pm_20.06.2012

චක්කරේ මතක තියා ගැනීමට "චක්කර කොළ"

සෑමාගේ මහප්පාගේ පුතාට අප ග්‍රාමයේම කමියුනිකේෂන් එකක් තිබෙන්නේය. අපේ ගමේ ඒ කාලේදී මුල්ම ලෑන්ඩ් ෆෝන් එක ලැබුනේ අපේ මහප්පාටය. ඒ ඔහු රජයේ ඉහල පෙලේ ධූරයක් දැරූ නිසාය. ඒ ෆෝන් එකේ බිල ගෙව්වේද එම ආයතනයමය. එසේ තිබියදී ගමේ හැම එකාටම කෝල් ආවේ මහප්පලාගේ ගෙදරටය. ගන්න කෝල් එකක් ගත්තේද එහි පැමිණය. ඒ කාලේ එන කෝල් වලටද අය කළ නිසා ඇමතුම් ලැබෙන ඈයෝ කීයක් හෝ මුදලක් බලෙන් හෝ ගෙදර අය අතට ලබා දෙන්නට කටයුතු කලෝය. ඒ අතර ගන්නා ඇමතුම් වලටද මුදලක් ලබා දුන්හ.

මේ ක්‍රියාවලිය දුටු පොඩි පුතු තමාගේම කියා කමියුනිකේෂන් එකක් ඇරියේය. එය පසු කලෙක අනු ශාඛාද පිහිටුවමින් ප්‍රදේශයේ සුපිරි කමියුනිකේෂන් එකක් බවට පත්වුයේය. අපේ ගමේ හන්දියේ දහසක් කමියුනිකේෂන් දැම්මද ඔහුගේ කමියුනිකේෂන් ආධිපත්‍ය නොබිදී පවතින්නා සේම, එසේ දැමූ එවා දැන් වැහිලාත් අහවරය.

කමියුනිකේෂන් එක සමගම දැන් තවත් අංග එකතු කරමින් බහු ජන සේවා ආයතනයක් ලෙස වැඩකටයුතු කෙරෙන්නේය. ඒ ලිපි ද්‍රව්‍ය, පාසල් උපකරණ, චිත්‍රපට, සුවද විලවුන්, ජංගම දුරකථන, ආදී දේවල් සමගය. ඒ සියල්ලටම ද්‍රව්‍ය පොර රැගෙන එන්නේ පිටකොටුවෙන්ය. ගමේ අයෙක් යම් දෙයක් අවශ්‍යය වුවහොත් කමියුනිකේෂන් එකට පැමින බුද්ධික අයියේ අහවල් එක රැගෙන එන්න කියා ඕඩර් කර යන්නේද ඒ නිසාමය. එසේ ඕඩර් වැඩිවෙද්දී පොරට සමහර ඒවා අමතක වී මග හැරෙන්නට විය. ඒ නිසා ඔහු කරන්නේ කුඩා පොත් පිංචක සියල්ල සටහන් කොට සති අන්තයේ දිනක කොටුවට ගොස් රැගෙන ඒමය.

එසේ පොත රැගෙන ගිය පළමු දිනයේදි පොර පොත කොටුවේ කඩයක දමා ගෙදර ආවේය. පොර කීවේ එදා පොත ගෙනිච්චේ නැති බවක්ය. පසු දවසක කොටුවේ ගිය විටක කඩයක මුදලාලි කෙනෙක් පොරට පෙත දී ඇත්තේ "මේ මහත්තයා එදා දාල ගිය පොත මෙන්න" කියාය. ඊට පසු විසි තිස් වතාවක්ම පොර පොත විවිධ කඩ සාප්පුවල දමා ආ නිසා කොටුවේ මුදලාලිලා පොරගේ පොත දුටු සැනින් හදුනති.

පොතේ කතාව ඉවරය. දැන් පොතේ සීන් එකය. මේ මම කමියුනිකේෂන් එකේ සිටියදී සිදුවූවක්ය.

"බුද්ධික අයියේ අර ‍ෆිල්ම් එක ගෙනාවද?" ඒ කමියුනියට ආ ‍අයෙක්ය.

"මොකක්ද මල්ලී... ෆිල්ම් එකේ නම?"

"අර එදා මම ගේන්න කිව්වේ. ඔයා මට පොතක් දීල කිව්වේ නම ලියන්න කියලා.." පොර අර පොතේ නම ලියා ඇත.

"අහ්.. ඒකද. එහෙම ෆිල්ම් එකක නැහැ කිව්වනේ.. දෙමල එකක් නේද??"

"ඔව් දෙමල එකක් තමා. හැබැයි එහෙම ෆිල්ම් එකක් තියෙනවා. මගෙ යාලුවෙක් ලග තිබිල මම බැලුවත් එක්ක.."

"වෙන්න බැහැ. මම ඒ පොතත් අරන් ගියේ නම අමතක වෙන නිසා. මේ බලන්න මේකෙ මාර්ක් එකක් දාල ඇති ඒක නැහැ කියලා." බුද්ධික අයියා පොත දිගු කරමින් තරයේ කියා සිටියේය.

"කෝ බලන්න.." කියා ඔහු පොත ගත්තේය.

"කෝ ඉතිං මේකේ මාර්ක් එකක් ?? මේ තියෙන්නේ ෆිල්ම් එකේ නම ඒ විදිහටම.. කාල වර්ණ කියලා" සෑමාට නම හරියටම මතක නැතිය. මේ ලගින් යන නමක් තිබ්බා මතකය.

"ඇහ් එහෙම වෙන්නෙ කෝමද? එදා මම චෙක් කරලා එතන මාර්ක් එකක් දැම්මා ඒ කඩේදිම...."

"ඔව් අයි‍යෙ හැබැයි එහා පිටුවේ නම් මාර්ක් එකක් දාල තියෙනවා චක්කර කොල කියල එහෙකට"

"අප්පට හුඩු...." බුද්ධික අයියා හිසේ අත ගසාගෙනම පොත ගන්නට අත දික් කලේය.

"මාර කේස් එක මල්ලි අර ලමයෙක් ඇවිත් ඉස්කෝලෙට ගෙනියන්න චක්කර කොළයක් ගේන්න කිව්වා. මම සීඩි ෂොප් ‍එකෙන් ගිහිල්ල අහල තියෙන්නේ චක්කර කොළ ෆිල්ම් එක තියෙනවද කියල මගෙ හිතේ.."

Written by sAm_18.06.2012_11.05pm

විලි ලැජ්ජා නැතුව - ඇදුම් අස්සේ රිංගීම...

රැලි තලා නුඹ

විහිදිලා සිත

උණුසුමින් මා

මත්කළා ගත

හද දවා සුව

දුව දුවා ගත

මතින් නුඹ

උණුසුම් කළා

කලිසමේ මැද

තෙරපිලා නුඹ

දනන් ගේ හැඩ

වැඩි කළා

කෙලින් වී සිට

විඩා නිවාගෙන

සෙමින් ඇග උඩ

වැතිරුණා

තෙත් වුණා

කලිසම මැදින් අද

රත් වෙලා නුඹ

වියලුවා හිද

අතින් ගෙන

ඇගෙ තනපටක් මම

වැතිරුවා නුඹ

ඒ මතින්

තෙත් මතින් යුතු

ඇගේ තනපට

සුසුමකින් නුඹ

වියලුවා

හති දමාගෙන

රෙදි තෙමාගෙන

දිව ඇවිත් නුඹ

සතපවාගෙන

විදගමින් සුව

වපුරවාගෙන

උණුහුමක් ලග

දණ ගසාගෙන

ඇගේ තදවූ

ඇදුම් මත්තේ

රැගුම් රැගුවේ

සදාතනිකව

නුඹයි ‍මිතුරේ

වරම් ලද්දේ

විදින්නට සුව

ඇදුම් අස්සේ

මගේ සර‍මේ

උණුසුමක් නුඹ

කිසිම දිනයක

ලබා නැත්තේ

අදින්නට කිසිවක් නොමැති ඒ
වැස්ස දවසක නුඹේ ලග හිද
තෙමාගත් මා සරම නුඹ ලග
තබා වින්දා උනුසුමක් හද

ඇගේ සුරතේ
රැදී සිත්සේ
අපේ ලෝකේ
හිදින් මිතුරේ


**
*
*
*
***
*
*
*
***
*
*
*
***
*
*
*
***
*
*
*
***
*
*
*
***
*
*
*
***
*
*
*
***
*
*
*
‍‍‍\*/

\*/
\*/

රැලි තලමින්, මගෙ ලෝකෙ උණුසුම් කරපු උඹ, එහෙ මෙහෙ දුවමින් මගේ ලෝකෙ උණුසුම් කරපු උඹ, කලි‍සමේ මැද වුනත් ලැජ්ජ නැතුව තෙරපිලා මගෙ ලෝකය ලස්සන කරපු උඹ, මහන්සි වුනාම කෙලින් වෙලා විඩා නිවාගෙන ආයෙත් වැතිරුණ උඹ, මම කලිසම මැද වුනත් තෙමා ගත්තම ලගින් හිටපු උඹ, මගෙ කෙල්ලගෙ වුනත් යට ඇදුම් උඩ සෙල්ලම් දාපු උඹ, අපි දෙන්න තෙත් වෙලා ඉන්නකොට ලගන් හිටපු උඹ, කවුරු නැතත් මගෙ කෙල්ලගෙ ඇදුම් අස්සෙ රිංගන්න වරම් ලබපු උඹ, කවදාවත් උඹට වැතිරෙන්න නොදීපු මගෙ සරම උඩත් අදින්න ඇදුමක් නැතිව ඉන්නකොට වැස්ස දවසකම වැතිරුනු උඹ, මගෙ කෙල්ලගෙ අත් අස්සෙ පැටලිලා හැමදාමත් මගෙ ලෝකෙ ලස්සන කරගෙන හිටපං.

කැත හිත්වලට ලියු තවත් ලස්සන කවි...

• ඇගේ අතැගිලි අතරේ මිරිකෙන නුබ

• උදේ එළියට ගන්න - රෑට ඇතුළට දාන්න ඉස්සෙන රෙද්ද

• පෙට්ටිය කඩලම කටට (දා)ගන්න හැටි

• කකුල් අස්සේ හිර කරන් ගහපු ගැහිල්ලේ තරම

• කෙල්ලෝ කටේ තියන් උරන කැත

• එකෙක් ඇගිල්ල තද කරල ඇර ගත්තොත්, අනිත් එකාලත් රිංගන කැත

• කැත හිත්වලට ලස්සන කවි පොඩ්ඩක් - සෑමාගේ වෙසක් කලාපය

ස්පයිඩර් මෑන් දැල පිටට නොගසා, අතේ ගසයි..

ඉස්කෝලෙ යන කාලේ කාලෙන් කාලෙට අලුත් විෂ බීජ පාසල් ගත වන්නේය. අපි යන කාලයේ කෙල්ලෝ දනිස්ස ලගට කොටට අදින්නට පටන් ගත්තෝය. එවිට තිත්ත නායක අක්කලා ඔවුන්ගේ ගවුම යට අඩියේ වාටිය ගලවන්නට පටන් ගත්තෝය. පහවෙනිදා අපේ කෙල්ලෝ ඒවා නැවත නමා වාටි ගසා පාසල් ගත වුවෝය. ඒ මැහුම් ගෙතුම් වලට දක්ෂ දැරිවියෝ අප පාසලේ සිටි නිසාය.

කොල්ලෝ බැගී වැඩිපුර දමන්නට වූහ. කලිසම දනිස්සට ඇද එල්ලගෙන සිටියහ. පසුකලෙක බැගී නැතිම කර නීට් එකට හොදටම යට කර අදින්නට වූහ. සෑමා 11 වසර සිටිද්දී 13 වසරේ අයියා කෙනෙක් ඉන්ටර්වල් එකේ  පමණක් යුනිෆෝම් එකට අදාල නොවන ගැජෙට්ටුවක් හැද සිටියා මතකය. ඒ බෙල්ට් එකක් නොහොත් ඉන පටියක්ය. ඒවා වෙළද දැන්වීම්ය.

ජෙල් ගෑමද මේනියාවක් වූ කාලයක් පාසලේ තිබුනේය. ජෙල් ගෑම් අත්අඩංගුවට ගැනීමට ආ ප්‍රින්සිපල් උතුමාට වුණ දේ මෙතනන් බැලිය හැකිය.

එසේ එක එක ගැජමැටික්ස් තිබියදී ඒ කාලේම පාසල් ගත වුයේ ෂර්ට් එකට දාන විලාසිතාවක්ය. එය ගෙදර සිටම කරගෙන ආ යුතුය. ෂර්ට් එක මැදීමේදී (අයන් කරන විට) අදාල ක්‍රමයට ෂර්ට් එක නමා අයන් කිරීමෙන් 'මකුළු දැලක්' ඉස්මතු කිරීම එම විලාසිතාව විය. එය කරන ආකාරය පහදා දී අතීතය මතක් කිරීම සුදුසුය.

"ස්පයිඩර් මෑන්" මහතා

අවශ්‍ය ද්‍රව්‍යය :-

• ඉක්කෝල ෂර්ට් එක.
• අයන් එක.
• කරන්ට් එක.
• අයන් බෝඩ් එක හෝ මේසය.
• ඉස්කූල් බෑග් එක.

අයන් එක නොහොත් ඉස්කිරිත්තය ප්ලග් එකට ගසා රත් කර ගන්න. ඉන්පසු පහත පරිදි නමමින්, දිග හරිමින්, ක්‍රමානු කූලව අයන් කර ගන්න.

දෙකට නමන්න

හතරට නමන්න

ඒක ආයෙත් හරහට නමා, නැමු ඉරි දිගේ අයන් කරන්න.

උල උඩට නමන්න, නැමුම අයන් කරන්න

කලින් නමපු එක දිග හැර නැවත උල ඊට අඩුවෙන් උඩට නමන්න නැමුම අයන් කරන්න. 

ඒකත් දිග හැර නැවත අඩුවෙන් නමා  නැමුම අයන් කරන්න .  

දැන් දිග හැර බලන්න. එවිට මකුළු දැල ලැබේ.

අවශ්‍යය අමුද්‍රව්‍යය සියල්ල පාහේ භාවිතා කර අහවරය. දැන් කට්ටිය කල්පනා කරනු ඇත්තේ ඉස්කෝල බෑග් එකට කරන්නේ කුමක්ද කියාය. මෙහෙම මකුළු දැල ගසාගෙන ඉක්කෝලෙ යද්දි මුලින්ම මෙය ඇස ගැටෙන්නේ ගෙදර සිටින දෙමාපියන්ටය. එනිසා ෂර්ට් එක හැද ගත් හැටි‍යේ බෑග් එක දමාගෙන ගෙදරින් එලියට පැන ගත යුතුය.

පසුව පාසල් ගේට්ටුවෙන් ඇතුලට යාමටද බෑග් එක වුවමනාය. බැග් එක ගලවා පන්තියේ තබා පාසල තුල ඇවිදීමේදි ගුරුවරු පැමිනෙන විටකදී ලගම ඇති බිත්තිය පැත්ත හැරී සිටිය යුතුය. එවිට ගුරුවරු පවා සිතන්නේ මේ ගුණ ගරුක දරුවන් තමන්ට මාර්ගය ඉඩ දී, පසෙකට වී, ගරු බුහුමන් කරනවා කියාය.

මේ ඉට්ටයිල් එක පාසල් ගතව සුළු කාලෙකින් හැම එකාම පාහේ මකුළු දැල පිටේ ගසන්නට වුයේය. එනිසාම සමහර ගුරුවරුන්ට පවා ඉට්ටයිල් එක අතට අසුවිය. එදා සිට පරික්ෂන ඇරබෙන්නට විය. මකුළු දැල පිටේ ගසා ස්පයිඩර් මෑන් වුවන්ට දඩුවම් පැමිණ වීම ආවේ එදා සිටය.

සියල්ලෝම එකම කරද්දී උඩුගම් බලා පිහිනා නව නිර්මාණ කරන අපේ කොල්ලෝ ඒ කාලේද බහුලය. හැම එකාම මකුළුදැල් ගහ කළ අපේ සමහර එවුන් තම නමේ මුල් අකුර පවා ගසන්නට වූහ. ඒ අතර අපේ නුවන් සොයුරා පිටේ "N" අකුර ගැසුවා මතකය.

අපේ ජම්බුවාද දිනක්  නව නිර්මාණයක සමගින් පාසලට ආවේය. එදා ජම්බුවා අසු වූයේ අප බොහෝ දෙනාගේ සිත් දිනාගත් ලතා ටීචර්ටය.

ඇය හැම එකාගේම පිටවල් වලට එබෙමින් කොරිඩෝව දිගේ පැමිණියාය. ස්පයිඩර් මෑන් ලා බිත්ති වලට හේතු වන්නට වීය.

"මුං වගේ කොල්ලෝ ඔච්චර බය නම් අහවල් එකටද ඕව පිටේ ගහන්නේ??" ඒ ලතා ටීචර්ය.

"නැහැ ටීචර් අපි ටීචර්ට ඉඩ දෙන්න පැත්තකට වුනේ" අපේ එකෙක් කීය.

"අහ්.. සහන් නම් අද බය නැතුව ඉන්නේ.." සහන් හෙවත් අපේ ජම්බු වෙනදා මෙන් නොව ටීචර් ලගට එද්දි සිටිය නිසා ටීචර් සිතුවේ ජම්බු මකුළු දැල ගසා නැති බව විය යුතුය. ඇය ජම්බු සමග හොදින් හිතවත්ය. ටීචර් ලගට එද්දී ජම්බු තම දකුණු අත ටීචර් එන පැත්තට විරුද්ධ පැත්තට හරවද්දී ටීචර් ජම්බුගේ අත ඇද බැලීය. ඒ ඇයට ඇති වු සැකයක් නිසාමය.

"ඈ සහන් අනිත් එවුන් පිටේ ගහද්දි තමුසෙ අතේ ගහ ගත්තද??"

එදා අපේ ජම්බු මකුළු දැල අසා තිබ්බේ අතේය. ඒ කිව්වේ ෂර්ට් එ‍කේ sleeve එක ඉහත පරිදි නිසි ආකාරයෙන් නවා මකුළු දැල නිර්මාණය කර තිබුනේය.

Written by sAm_7.15pm_14.06.2012

සැයු - නිර්මාණයට දායක කරගත්තේ සදුදා ඔපීස් ඇන්ද තවමත් නොසේදු කමිසයක්ය.

ෆිල්ම් හෝල් එකේ ‍බොක්ස් ඉවරද ? මෙන්න යන්න නියම තැනක්...

මේ දිනවල සුපර් සික්ස්ය. ඒ නිසා හෝල්වල මාර සේනාවක්ය. සිතූ සහ කුසූද චිත්‍රපටය බැලීමට නොව බොක්ස් එකක් සොයා ගැනීමට හෝල් එකට එන්ටර් විය. ඒ වරක් නොව දෙවරක්ය.

පළමු සතිය

ඒ සෙනසුරාදාවක්ය. ඉංග්‍රිසි අකුරු තුනේ හෝල් එකකට සිතු - කුසු පියමං කලෝය. ජෝඩුව ටිකට් ගන්න පෝලිමේ තුන් වෙනියාය. 

"බොක්ස් දෙකක්" ඒ සිතුය.

"බොක්ස් ඉවරයි." ඒ ටිකට් කඩන්නාය.

"අහ්.. එහෙනම් බැල්කනි දෙකක්." හැරී එන්න බැරිකමට සිතූ කුසු බැල්කනි ගත වුහ.

සියළු සැලසුම් අසාර්ථකය. කරන්නට ආ කිසිත් සිදු නොවීය. සිතු - කුසු ඉන්ටර්වල් එකේ ගෙදර ආවෝය.

"බලන්න අප්පා දැන් ඔන් ලයින් ටිකට් බුක් කරන නිසා ඇතුලට යන්න කලින් බොක්ස් ඉවරයි" ඒ සිතුය.

"අපිට බැරිද ඔන් ලයින් බුක් කරන්න?" ඒ කුසූය.

"මම හිතන්නේ ක්‍රෙඩිට් කාඩ් ඕනේ..කමක් නැහැ ලබන සතියේ එමු.." ඒ නම් සිතූය.

දෙවන සතිය

ඒ සුපුරුදු සෙනසුරාදාවක්ය. ගියවර ගිය ඉංග්‍රිසි අකුරු තුනේ හෝල් එකකටම සිතු - කුසු පියමං කලෝය. ජෝඩුව ටිකට් ගන්න පෝලිමේ මුලින්ම සිටියෝය. 

"බොක්ස් දෙකක්" ඒ සිතුය.

"බොක්ස් ඉවරයි." ඒ ටිකට් කඩන්නාය.

"අහ්.. එහෙනම් බැල්කනි දෙකක්." ය‍කෝ පෝලිමේ මුලින් ඉදලත් බොක්ස් ඉවරද? කියා සිතමින් සිතු බැල්කනි ටිකට් ගත්තේය.

සියළු සැලසුම් අසාර්ථකය. කරන්නට ආ කිසිත් සිදු නොවීය. සිතු - කුසු ඉන්ටර්වල් එකේ ගෙදර ආවෝය.

"බලන්න මේක මාර වැඩක් නේ ටිකට් එකක් ගන්න බැහැ අපිට" ඒ සිතුය.

"කමක් නැහැ අපි ෆිල්ම් එක භාගෙ ඒවා දෙකක් බැලුවනේ, ඒ කියන්නේ අපි ෆුල් එකම බලලා..?" ඒ කට කැඩුන කතාව කිව්වේ කුසූය.

"බබා අපි දැන් විනෝද චාරිකා ගියා ඇති. අපි වන්දනා ගමන් එහෙමත් ගිහින් තියෙන නිසා අපි අධ්‍යාපන චාරිකාවක් යමු" ඒ නම් සිතූය.

"ඒ හතර බීරි කතාව මොකක්ද?" කුසුගේ ඇස් කටේය.

"ඇයි බබා අපි ෆිල්ම් බලල තියෙනවා, බීචි ගිහින් තියෙනවා, එතකොට අරහෙ මෙහෙ ගිහින් ලන්ච් අරන් තියෙනනවා...ඒ විනෝද චාරිකා." සිතු පැහැදිලි කලේය.

"එතකොට වන්දනා ගමන් කි‍ව්වේ පන්සල්, පල්ලි ගිය ඒවා ???" කුසු තම දැනුම පෙන්වීමට මැද්දෙන් පැන්නේය.

"අන්න හරි.." සිතු තහවුරු කලේය.

"එතකොට අධ්‍යාපන චාරිකා??" ඒ කුසුය.

"බබා අපි බොක්ස් යනවට වඩා හොදයි ග්‍රහලෝකාගාරේ වගේ කළුවර තැන් වලට යන එක. බලන්න බොක්ස් එකත් කළුවරයි. ග්‍රහලෝකාගාරෙත් කළුවරයි.." ඒ දාර්ශනික මත දරන සිතුය.

"එතකොට බොක්ස් වගේ කවර් කරල නැහැනේ." ඒ කුසුය.

"මොන මගුලටද බබා කවර් කරන්නේ?? හැම එකාම උඩ බලාගෙන ඉන්න නිසා අපිට නිදහසේ වැඩක් කරගෙන එන්න පුලුවන්නේ.."

Written by sAm_1.45pm_10.06.2012

සමහර බ්ලොග්කරුවෝ තම අත්දැකීම් හෝ තමාට සිදුවු සිදුවීම් වෙනත් අයගේ පිටින් දමා ලියන අවස්ථා සෑමා අනන්තවත් දැක ඇත්තේය. ඒවා අසික්කිත වැඩය.


සිතු කුසු ආන්දෝලනාත්මක ආදර අන්දරය නොබැලූ අයට..

• 1 කොටස
• 2 කොටස
• 3 කොටස (බලාපොරොත්තුව)
• 4 කොටස
• 5 කොටස
• අවසාන කොටස

ජෝන් ලොගී බෙයාර්ඩ් මාමාට ලියමි (සීයාගේ අසනීපය සම්බන්ධවයි - පොඩි සෑමාගේ ලියුම 9)

මේ මෑතකිදී පුබුදු කොලුවා සෑමාට කීවේ ඇයි බොල පොඩි සෑමා දැන් ලියුම් ලියන්නේ නැද්ද කියාය. එය සෑමාගේ හිතේද තිබ්බ කාරනාවකි. සයිබර උත්සවයේදි ඔබා මාමා ඇහුවේද "මල්ලී එතකොට පොඩි සෑමා කියන්නෙ ඔයාද තව වෙන එක්කෙනෙක්ද ?" කියාය. ඇත්තටම පොඩි සෑමාගේ ලියුමක් ලියන්නට පමා වුයේ එවන් ලිපියක් ලිවීම අපහසු නිසා නොව, බලන්නාට ප්‍රියවන්නට නිදහස් මනසින් ලිවිය යුතු නිසාමය.

පංචායුධ මාමාට පොඩි සෑමා අවසාන් ලිපිය ලියා අදට දින 75ක් පමණය. එවන් තැනකදි අද අකුරු කරන්නේ ‍‍ජෝන් මාමාට හෙවත් රූප පෙට්ටිය සොයා ගත් ජෝන් ලොගී බෙයාර්ඩ් මහතාටය.

ආදරනීය ලොගී බෙයා මාමේ...

මොනිටර් එක ඉදිරිපිට සිට ලියමි. ඒක ජොන් මාමා සොයාගත් වර්ගයේ නොවේය. ඇල්.සී.ඩීය.

ගූගල් දෙවියන්ට පිං සිද්ධ වෙන්නට ඔබ ගැන පොඩි සෑමා කරුණු එකතු කර ගත්තේය. එහෙත් ඔබට මාමා කියන එක වැරදිය. ඒ ඔබ 1888දි උපත් නිසාය. ඒ කියන්නේ ඔබ අපේ සීයාට වඩා කෞතුක වස්තුවක්ය. මේ කාලේ කෞතුක වස්තුවක් කියා කාටවත් කියන්නට පවා බයය. ඔබ කෞතුක වස්තුවක් බව අපේ දැන් ඉන්න මාමලාට ඇහුනොත් ඔබව වලෙන් ගොඩට ගන්නවා ෂුවර්ය. ඒ අරගෙනත් ඔබගේ ඉපැරනි ටීවි එක මතුවෙනතුරු වල හාරනවා ෂුවර්ය. ඒ දැන් ඉන්න අපේ මාමලාය. ඔබ 1925 ටීවී එක සොයා ගත් බවද දැන ගතිමි. ඒ දිනවල පොඩි සෑමාගේ සීයා නම් ගැටයා කාලයේය. ඔබ ලොවට වටිනා සේවයක් කළ බැව් සැබෑමය. එවන් සේවයක් කර 1946 වසරේ මිය ගිය බැව්ද පොඩි සෑමා දන්නේය.

ඔබ 1925 ටීවි එක සොයා ගන්නා කාලයේ පොඩි සෑමාගේ සීයා නම් ගැටයාය. පසු කලෙක සීයා වයසට යන කාලේ පොඩි සෑමා ගැටයාය. ඒ කාලේ තිබුනේ ටියුබ් සහිත ටීවිය. දැන් නම් ‍ජෝන් මාමාගේ ජාතියේ ටීවි ලෝකයේ අඩුය. දැන් එවා ස්ලිම්ය. එවාට හරියන්නට ජීවත් වෙන ජනතාව ටියුබ් සහිත ටීවී එකට වඩා විශාල බඩක් ඇත්තෝය. ඔබ රූප පෙට්ටිය සොයාගත් පසු කලෙක සුදු මාමලා රූප පෙට්ටියට කිව්වේ Idiot box කියාය. ඒ හැම එකාම වට වෙලා කිසි වැඩක් නොකර ඕක දිහා බලන් ඉන්න නිසාය. ඒක නම් ‍ජෝන් මාමාගේ වරද බැව් පොඩි සෑමා නොකියන්නේය. වැදගත් දෙයක් වැදගත් විදියට යොදා ගන්නට අපේ එවුන් නොදන්නා කමය.

දැන් තියෙන ටීවී බිත්තියේ එල්ලිය හැක්කේය. පුලුල් තිර සහිත ඒවාය. බර නැත. ඇත්තටම ඇතුලේ ගන්නට තරම් කිසිවක් නැත්තේය. රූප පෙට්ටිය කොතරම් විශාල වුවද කිසිම තේරුමක් නැත්තේය. ඒ තිරය වැහෙන්නම අපේ නාලිකා කාරයෝ වෙලද දැන්වීම් දමන්නෝය. ඒ නිසා තිරය විශාල වුවද වැඩ නැත්තේමය. ඉස්සර පොඩි සෑමාගේ ගෙදර තිබ්බේ අගල් 15 කළු සුදු ඩේට්රෝන් ටීවී එකක්ය. ඒ කාලේ පොඩි සෑමාගේ ගම පුරා තිබ්බේ ඒ වර්ගයේම නැෂනල් හෝ සෝනි රූප පෙට්ටිය. අපරාදෙ කියන්නට බැරිය. දැන් වාගේ චැනල් අල්ලන්නට අඩි ගණන් ඇන්ටනා අවශ්‍ය වුයේ නැත්තේය. සැටලයිට් අනවශ්‍යය. පුංචි වයර් කැබැල්ලකින් චැනල් සියල්ල බලා ගත හැක්කේය. එවන් කලෙක නාලිකා කාරයෝ මේ ආකාරයෙන් ඇඩ් දැම්මේ නම් අපිට අගල් 15 ටීවී එක ඉදිරියෙන් අන්වීක්ෂයක් හෝ සවි කිරීමට වෙනවා ෂුවර්ය.

කළු සුදු රැල්ල අහවර වී වර්ණ රූපවාහිනි රැල්ල එද්දී ලොකු සෑමා පොඩි එකාය. එතකොට පොඩි සෑමා ලොවෙත් නැතිය. ලෝවැඩ සගරාවේවත්, ලෝකෝපකාරයේවත් නැතිය. එවන් කලෙක අලුත් ගැජට් එකක් ආවා මතකය. ඒ කළු සුදු රූපවාහිනි වර්ණ කරන ගැජට්ටුවක්ය. එවන් එකක් අපේ සීයා ගෙන ආවා මතකය. එය රූප පෙට්ටියේ තිරය තරම් වූ කවරයක්ය. එය රූප පෙට්ටිය ඉදිරියෙන් සවි කළ යුතුය. එවිට අපට කළු සුදු රූප වර්ණ ලෙස බැලිය හැකි බව කියා ඇත්තේ ගැජට්ටුව සීයාට විකිණු කඩේ මාමාය. සීයා අපි සමග එක්ව ගැජට්ටුව ගැසුවේය. ඉස්සර නාලිකා පටන් ගත්තේ සවස් ජාමයේය. එතෙක් නාලිකාව "සූ.. " හඩ නංවමින් ඉරි කැබලි පෙන්නූ බවක් සෑමාට මතකය. ගැජට්ටුව ගසා රූප පෙට්ටය දැමූ විට වැඩේ ගොඩය. පාට තිත් පෙනෙන්නට විය. ඉන්පසු සීයා සමග අපට ඉස්පාසුවක් නැතිව බලා ඉන්නට වූයේ නාලිකා පටන් ගන්නා තුරුය. සවස් ජාමේ නාලිකා ඇරඹුනේය. සීයා ටීවී එක දැම්මේය. වැඩේ ගොඩය. කළු සුදු රූප වර්ණ ගැන්වී තිබුනේය. එහෙත් අවුලකට තිබ්බේ සරමක් ඇදගත් අයෙක් ඇවිදින ජවනිකාවක් තිබුනොත් ටීවි එකේ තැන් තැන් වලදී ඒ පුද්ගලයාගේ සරමේ පාට මාරු වෙනවාය. විටෙක ඔහුගේ මුහුනේ ඇග‍පතේ පාට පවා නිල්, රතු, කහ ආදී පාටින් පෙනෙන්නට විය. දින දෙකකින් පමන සීයා එය ගලවා පැත්තකට දැමුවේ කුණු හබ්බ දෙකක් කියමින් කඩ කාරයාගේ මවට ස්තුති කරමින්ය.


පසු කලෙක අපේ ගෙදරට වර්ණ ටීවි එකක් ‍ගෙනාවේය. එහි පිටුපස ඉතා තඩිය. බිත්තියේ සිට අඩි 3ක් පමණ ඉදිරියට වන්නට ටීවී ස්ටෑන්ඩ් එක තැබිය යුත්තේය. එදා සිට අපේ සීයා සිටියේ ඉමහත් සතුටින්ය. ඒ ජෝන් මාමේ ඔබට පින් සිද්ද වන්නටය. ඒ ටීවී එක ගෙනා දවසේ සිට අපේ සීයා සම්පූර්ණයෙන් වෙනස් වුයේය. වෙනදාට දුර සිට බලන සීයා අලුත් ටීවි එක ලගම පුටුවක් තියාගෙන ටීවි එකට මුහුන තියාගෙන බලන්නට විය. සීයාගේ මේ වෙනසට කලබල වූයේ අ‍පේ ආච්චීය. එනිසා තකහනියේ දොත්තර ලගට ගෙනියන්නට හැදුවද සීයා අදි මදි කලේය. 


සීයාගේ රෝග ලක්ෂන හොදින් වැටහුනේ පොඩි සෑමාටය. සීයාගේ රෝගය බොහේ විට උත්සන්න වූයේ දහවල හින්දි සිංදු යන විටය, නැතිනම් ඉංග්‍රීසි චිත්‍රපට බලන විටය, තවත් බොහෝ අවස්ථාවලදී මෙන්ම හවසට ඉංගිරීසි නාලිකාවල කාන්තාවන් එක්සයිස් කරන වැඩසටහන් වලදීද සීයා රෑප පෙට්ටියට මුහුන තබාගෙන බලන්නේය. සීයාගේ ලෙඩ හොද කළ යුතු නිසාම සෑමා ටීවී එකට උඩින් දිනක් වතුර වක්කලේය. ඒ සීයා ටීවී එක ඔන් කරපු හැටියේ පුපුරන්නටය. සීයා ටීවී එක ඔන් ‍කලේය. චටාස් ගෑවේය. එපමණකි. එවලේ සිට රූප පෙට්ටිය වැඩ නැත්තේය. 


එදා සීයාගේ ඇස් පෙනෙන්නට විය. ආච්චීට මෙන්ම ගෙදර හැමෝටම සීයාගේ රෝග තත්වයව නිෂ්චය විය. පහුවදා පාන්දර සීයා අවදිවී ටීවී එක උස්සා ගත්තේය. 


"මෙහෙ වරෙන් කොලුවෝ. මාත් එක්ක හන්දියට යන්න මේ ටීවී එක හදා ගන්ට" කියා ලොකු සෑමාට අඩ ගෑවේය. 


"මේ මහ පාන්ද‍ර කොහෙ යන්නද? අනික සීයාට හතිය නේද හුලං වදින්න හොදද?" ඒ ලොකු සෑමාය. 


"බොට බැරි නම් මට බයිසිකලේ යතුර දියන් මම තනියම යනවා." ඒ නැවත සීයාය. ටීවී එක සාදා ගැනීම සීයාගේ පරම චේතනාව විය.


"නැහැ නැහැ ඕනෙ නැහැ. මම එන්නම්. ටීවි එකක් උකුලෙ තියාගෙන, බයික් එක කකුල් අස්සෙ ගහගෙන කොහොම පදින්නද මෙයා.." ලොකු සෑමා ට තද විය.


"අනේ මේ පලයන් යන්න. මගෙ හැටි අහං බොලාගෙ ආච්චිගෙන්.."


ලොකු සෑමා බයික් එක එලියට ගෙන යන්නට යද්දී පොඩි සෑමා පැත්තකට වී බලා සිටියේය. ඒ අතර ආච්චීද දිවගෙන ආවාය.


"ඈ මේ මනුස්සයට හතිය නේද ? අර ජැකට් එකවත් ඇද ගන්නවා යන්න කලින්. ඒ මදිවට බදන්න බැරි ටීවි එකකුත් ඔඩොක්කුවේ" ආච්චිගේ කන්නලව්ව අසා සීයා ජැකට්ටුව ගෙන ඇදගත්තේය. 


"මොකද මනුස්සයෝ ඕක අනිත් පැත්ත ඇදලා. මේ මිනිහට ටීවි එක කිව්වොත් මුකුත් සිහියක් නැහැ.." ආච්චී නැවත කෑගෑවේ සීයා ජැකට්ටුව අනෙක් පැත්තට ඇද සිප් එක පිටිපස්සට එන ලෙස ඇද ගත් නිසාය.


"මේ ගෑනිට කට තිබ්බට මොලේ නැති හැටි. මම සිප් එක පිටිපස්සට එන්න ඇන්දේ පපුවට හුලං නොවදින්න අයිසේ.." සීයා පිටුපසින් හිදගෙන ටීවී එක උකුල මත තබා ගත්තේය. ටීවී එක සීයාට වඩා දෙතුන් ගුණයක් විශාලය.


ලොකු සෑමා අයියා තකහනියේ බයිසිකලය විදුලි වේගයෙන් පැද්දේය. සීයා ඒ ක්ෂණික ගැස්සිල්ලට පිටු පසට බර වී කෙලින් වූවේය. සීයා සහ රූපවාහිනිය නැවත එන තුරු බලා සිටි අප නිවසට හදිසි පනිවිඩයක් ආවේ සීයා හදිසි අනතුරකට ලක්ව ඇති බවක්ය. සිද්ධිය පසු විපරමේදී අපට සීයාගේ අනතුරට හේතුව රූප පෙට්ටිය බව ආරංචි වූයේය.


සිද්ධිය මෙසේය....


ලොකු සෑමා අයියාගේ ධාවන වේගයට රෑපවාහිනියේ බර දරාගත නොහැකිව සීයා අපේ හන්දියේ වැටි ඇත්තේය. සීයා වැටුනු බවක් නොදත් ලොකු සෑමා අයියා බයික් එක නොනවත්වා ධාවනය කර ඇත්තේය. මගදී සීයා නැති බවක් දැනුන ලොකු සැමා අයියා නැවත බයික් එක හරවාගෙන ඇවිත් ඇත්තේය. හන්දියේ පිරිසක් වට වී සිටිනු දැක ලොකු සෑමා අයියා එතැනට ගොස් බලන විට සීයා පැත්තක වැටී සිට ඇත්තේය.


"මෙතන මොකද වුනේ?? මේ අපේ සීයා.." රෑප පෙට්ටය පැත්තක වැටී තිබියදී, සීයාද පසෙක සිටිද්දි ලොකු සෑමා අයියා අසා ඇත්තේය.


"අහ්..  මේ ලමය එක්ක ගිහින් නේද සීයා වැටුනේ.." කවුදෝ පොරක් ලොකු සෑමාට කියා ඇත්තේය.


"ඔව් මම දන්නෙ නැහැ සීය වැටුන කියලා.. "


"බලන්න සීයා වැටිලත් ටීවි එක බදාගෙන හොදට හිටිය. මෙතන කඩේ හිටපු මිනිහෙක් කිව්වා බලන්න වැටිච්ච පාර සීයාගේ ඔළුව අනිත් පැත්ත හැරිල කියල. එතකොට කට්ටිය එකතු වෙලා ඔළුව අනිත් පැත්තට කැරකෙව්වා...."


"මගෙ අප්පේ සීය වැටිලත් හොදට හිටියනම් අහවල් එකටද අයිසේ බෙල්ල කැරකෙව්වේ..."


"ජැකට් එක අනිත් පැත්ත ඇදල හිටිය නිසා කට්ටිය හිතලා සීය ඔලුව ඇබරිලා කෑ ගහනවා කියල. ඒකයි කරකවල තියෙන්නේ."


එදා සිට අපේ සීයා බෙල්ලේ කොලර් එකක් පැලදුවේය. ඒ ටීවී එක නිසා සිදු වූ උලුක්කුව නිවැරදි කර ගන්නටය. ඇස් රෝග පවා වහා සුව වී තිබුනේය. නැවත සීයා ටීවී එකෙන් දුරස්ව වත්තේ පිටියේ වැඩට යොමු වූවේය. 


සියළු සිද්ධි අවසන ‍ජෝන් ලොගී බෙයාර්ඩ් සීයාට/මාමාට කියන්නට ඇත්තේ මෙපමනකි. ඔබේ නිර්මාණය ලෝකය වෙනත් මගකට යොමු කල බැව් සැබෑය. එනිසා අප ඔබට ණය ගැතිය. එහෙව් නිර්මාණයක් වර්ථමානයේ වැරදි දේ වලට පවා යොදා ගන්නේය. ඒවා වැලැක්විය නොහැක්කේමය. ඔබේ සොයා ගැනීම නිසා අපි මොනිටර් ඉදිරියට වී බ්ලොග් කොටන පිරිසක්ය. මොනිටර්ද දැන් වෙනත් ආදේශක දෑ නිසා වෙනත් මගකට යොමු වී ඇත්තේය. 


ආරම්භය ඔබය. ස්තුතිය ඔබටය.


Written by sAm_31.05.2012_7.25pm


පලි-  සෑමාගේ ඇත්තම සීයාට මෙහෙව් අප්සට් එකක් තිබුනේ නැතිය. මෙය සෑමා හිතා ලියුවක් පමණි.


පෙර ලිපි -

සුසිරි අයියා‍ගේ ආදර අන්දරය

අක්කාගේ ප්‍රවාහන සේවය සම්බන්ධවයි

නත්තල් සීයාට අවවාද කිරීමට ලියමි

අක්කාගේ කැම්පස් ගමන සම්බන්ධවයි (උසස් අද්දියාපන ඇමතිතුමාට)

පොඩි සෑමාගේ තියරිය අනුගමනය කළ ජයසූලිය මාමාට ලියමි

පේස් බුකියේ අයියා / සූ-මේකර්ට ලියමි.(පේස් බුකිය වැසීම සම්බන්ධව)

ජැනට් ඇන්ටීට ලියමි

පංචායුධ මාමාට ලියමි.. (මව්බිම බේරා ගැනීම සම්බන්ධවයි)

මමත් මෙහෙම හිටි හැටි මතකයි... මට හොද හැටි මතකයි....

පොසොන් කලාපය අහවර කිරීමෙන් සිටි සෑමාට වැදගත් පොටෝවක් ෆේස් බුකියේදී හමුවිය. එය ඉරිදා කැළණි දහම් පාසලේ සිසු සිසුවියන් උඩ මලුවේ වන්දනා කරන පො‍ටෝවක්ය. පොටෝව අරන් තිබුනේ සෑමාගේ මාමාගේ පුතාය. සුළු මොහොතකදි වැඩි ප්‍රමාණයෙන් ‍ඒ පොටෝව ෂෙයාර් වන්නට විය. එය සෑමාගේ කතාවේ උපතට හේතු විය. ඉස්සර අපි දහම් පාසල් යන කාලේද උදේ වරුවේ මෙහෙම වන්දනා කරන අතර සමහර බැතිමතුන් මේ අලංකාර දර්ශණය තම කැමරා කාචවල සටහන් කර ගන්නා අයුරු දැක ඇත්තෙමු. ඒ අතර විදේශිකයන් බහුලය. මෙසේ වන්දනා කරන අතර සිදුවෙන කිසිවෙකුත් නොදන්නා කතා රැසක් සෑමාගේ මතකය අවදි කලේය.

මේ තියෙන්නේ ඉරිදා අප දහම් පාසලේ උදෑසන බෝ මළුවේ වන්දනා කරන අයුරුය. පොඩිම කාලයේ අපි හිටියේ ඉස්සරහමය. පසුව ‍ඉහල ශ්‍රේණිවලට යද්දී ක්‍රම ක්‍රමයෙන් පසු පස පේලි වලට දැමීය. ඒ කියන්නේ පේලි ගැසුවේ ශ්‍රේණි වැඩිවන පිලිවෙලටය. නවය දහය ශ්‍රේණිවලදී අපි සිටියේ මෙහි තිබෙන අවසන් පේලිවලය. ඒවා නිදහස්ය. අවසාන ශ්‍රේණියේදී අප ශිෂ්‍ය නායකයින් වූ නිසා වැඩකරුවන් සේ හිටගෙන සිසුන් මෙහෙය වන්නට සිදුවීය.

සිසුන් අකැමැතිව ක්‍රියාව නම් මෙසේ දෙකට නැමී පැය භාගයකට ආසන්න කාලයක් වදින්නට සිදු වීමය. එහෙත් ඒ අතර එකිනෙකා සාකච්ඡා පැවැත්වීමට පටන් ගන්නෝය. හේතුව ශිෂ්‍ය නායකයින්ට කතා කරන බව නොපෙනෙන නිසාය. අපිත් එලෙස කතා කලා මතකය. විටෙක අපේම එවුන් මළුවේ තියෙන තිරිවානා කැට රැගෙන කැරම් ගසන්නාක් ආකාරයෙන් පුංචි ගල් සිසුන් අතරින් උඩින් ප්‍රක්ෂිප්ත කරන්නෝය. එවිට ගල ආ තැනක් සෙවිය නොහැකි නිසා පහර කෑ පුද්ගලයා සද්ද නැතිව සියල්ල විද දරා ගන්නේය.

නමය වසරින් ඉහලදී සිසුන් ආදර අන්දර අරබන්නෝය. මිශ්‍ර පාසැල්වල අයට නම් දහම් පාසල ඉස්කෝලය කියා වෙනසක් නැතිය. කොහේ ගියත් දෙගොල්ලෝම සිටින නිසා අවුලක් නැත්තේය. එහෙත් පිරිමි පාසල් වල සිසුන්ටත්, ගැහැණු පාසල් වල සිසුන්ටත් දහම් පාසල යනු කදිම ස්ථානයක්ය. තමා කැමති සිසුවිය අසල, ඇය සිටින පේලියට කෙලින්ම පේලියේ සිට වන්දනා කිරීමට බොහෝ අය පෙලබෙන්නේ ඇයව ඒ අතර තුර පවා දැක ගැනීමටය. එසේම ආදරය ප්‍රකාශ කර ආදර සටන් දිනූ බහුතරයක් සිටින්නේ ගැහැණු හා පිරිමි කොටස් වෙන් කෙරෙන සීමාවේය. එවිට ඔවුන් ඔවුන්ට හොදින් කතා බහ කළ හැක්කේය. ඉගි බිගි කළ හැක්කේමය. අපේ කාලයේ ආදරය දැන් කාලේ ආදර අන්දර වලට වඩා බොහෝ වෙනස් බව කිව හැකිය. එය බොහෝ විට අතින් ඇල්ලීමට, කොණ්ඩෙන් ඇදීමට වඩා දුර දිග නොගියේය. දැන් කාලයේ නම් කෙලින්ම සුපර් සික්ස්ය.

පුංචි කාලයේ පාසැල් යෑමට ඉතා කැමති වුවද සෑමා දහම් පාසල අප්‍රිය කලේය. ඒ සරම පටලවාගෙන සිටීමට  ඇති අකැමැත්ත සහ දහම් පාසල් නීති රීති පාසැල් නීති රීති වලට වඩා බරපතල වීම නිසාය. සරමේ ගැටළුව අම්මා විසදා දුන්නාය. ඒ සරම අන්දවා ඉන වටා පටි කැබැල්ලක් ගැට ගැසීම මගින්ය. ඊට අමතරව සරමට යටින් කලිසම් කොටයක් ඇන්දුවේ වැඩි හොදටය. එවිට සරම කැඩුනත් කලිසම ඇතුලේය. එකී පිලියම් යෙදුවද දහම් පාසල අප්‍රිය වුයේ ධර්ම ශාලාවට උදෑසන රැස්වීමට ඇතුල් කර ගනිද්දී නියපොතු පරීක්ෂා කර බල නිසාය. එසේම වාර්ථා පොත අනිවාර්යයෙන් තිබිය යුතුය. එය නොතිබුනොත් ඇතුලට නොගන්නේය. එසේම පිට පිට සති 4ක් නොදන්නවා දහම් පාසල් නාවොත් පන්ති තහනමක් ෂුවර්ය. එකී නීති නිසා සෑමා දහම් පාසල අප්‍රිය කලේය. දිනක් සෑමාගේ තාත්තා වන කේ.ඒ.ඩබ්ලිව් පෙරේරා මහතා දහම් පාසල් යන්නට බැරි යැයි කියා පිලිකන්නේ සැගව සිටි සෑමාව සොයා ගත්තේ උදෑසන 8ට පමණය. සෑමාද තාත්තාට අහුවීම ගණන‍කට නොගත්තේ දහම් පාසල ඒ වන විටත් ඇරඹී ඇති නිසා ෂුවර් එකට ගෙදරම තියා ගනී යන චේතනාවෙන් වුවද එදා බලෙන්ම සෑමාව අන්දවා දහම් පාසල් යැව්වේය.

කල් ගෙවෙද්දී 9 වසර ඇරබෙද්දී සෑමාට දහම් පාසලේ අගය දැනෙන්නට විය. ඒ සැමට පොදු වූ ආදරණීය සිහිවටන ඇරබෙන කාලය නිසාය. එක එකාගේ පෙම් හබ වලට උදව් කිරීම, තම තමන්ගේ පෙම් හබ ගොඩ දා ගැනීම, ආදිය ඉගෙනීම අතර තුර විෂය බාහිර ක්‍රියාකාරම් විය. ඒ අතර පෙරහැර කාලයට මෙන්ම මාස 3කට ආසන්න කාලයක් පැවැත්වෙන පන්සලේ බණ වාරයට වැඩ කිරීම සියල්ලන්ගේම සිත් ගත් ක්‍රියාකාරකම් බව නිසැකය. එම ක්‍රියාකාරකම් වලට ගිය විට ලැබෙන කෑම එක තේ එක නිසා ඒවාට සහභාගි වන්නට බොහොමයක් දෙනා උත්සුක වූවද උපරිම අකාරයෙන් ඒවාට අත හිත දෙන්නට සියල්ලෝම වගබලා ගත්හ.

ශිෂ්‍ය නායක සමයේ සැම දුරුතු පිංකම් මාලාවකට පෙරම ධර්මශාලාව, බුදුමැදුර සේදීම සිදු කළ යුතුය. එයට දායක වන්නේ ශිෂ්‍ය නායක මණ්ඩලයේ සිටින 100කට ආසන්න පිරිසක්ය. බුදු මැදුර සේදීම අපේ එවුන්ට ගෙන ආවේ ඉමහත් සතුටක්ය. මහ රෑ වන තුරු වැඩ කටයුතු කර ගෙදර යන්නට සිදුවන්නේ කාගේ හෝ ෆුට් බයිසිකලයකය, නැතොත් කිලෝමීටර් 5ක් පයින්ය, එහෙමත් නැතොත් පන්සලේ බංකුවක නිදාසිට පහුවදා උදේ බස් එකේය. ඒවා අපේ එවුන්ට ආතල්ය.

පසු කලෙක දහම් පාසලේ හැම ‍පෝයකටම සිල් ගැනීමට සීල සමිතියක් බිහි වුයේ අපේ එවුන් ගේ ශක්තියෙන්ය. එක ශ්‍රේණියක් අනිවාර්්‍යයෙන් පෝය දින දායකත්වය ගත යුතුය. ඒ අතර අනෙක් සිසු සිසුවියන් සීල ව්‍යාපාරයට සහභාගි විය යුතුය. සමහර විටෙක කිසිවෙකු තමන් ට්‍රයි කරන ගෑණු දැරිවිය සිටින පන්තියට වැඩි පීඩනයක් එල්ල කලේ ඇයව සිල් ගන්නා දිනට ගෙන්වා ගත යුතු නිසාය. එදිනට තමන්ට  සිල් ගැනීමට පාළුවක් නැතිය. ඇය දෙස හොරෙන් බැලීම හෝ කතා කිරීම සිදු කල හැකි නිසාය. සෑමා වසර දෙකක් නොනවත්වා සිල් ගත්තේ ඒ නිසා නොවේය. දිනක් සෑමාගේ තාත්තා කීවේ යකෝ ඉස්සර ඉරිදට දහම් පාසල් නොගිය එකා දැන් හතර පෝයටත් යනවා කියාය.

ඒ සමිතියේ සභාපති වුයේ අපේම කොල්ලෙක්ය. සමිතියේ භාණ්ඩාගාරිකද අපේමය. පිරිකර ආදියට මුදල් එකතු කිරීම, සියල්ල සිදු වූයේ අප අතින්ය. අපිට වුවත් අතමාරුවක් ගැනීමට හැකි වූයේ භාණ්ඩාගාරික ගෙන්ය. හැබැයි එම ණය පියවීම නොවැරදීම සිදු කළ බව කිව යුතුය. පෝ දිනකට එසේ මුදල් එකතු කොට තිබියදී, එයිට පෙර දිනයේ අපේ එවුන් සෙල්ලම් කිරීමට ෆුට් බයික් වලින් පිට්ටනියට ගියා මතකය. ක්‍රීඩා කර එන අතර තුර අපේ සභාපතිතුමාගේ බයිසිකලය විශාල කානුවකට වැටී ඉස්සරහ ඇලෝයි වීල් එක ඇඹරුනේය. භාණ්ඩාරික මහතා නොහිටින්න සභාපතිතුමාගේ නිල රථය සෑදීමට අපි මුදල් තවමත් එකතු කරනවා ඇත.

ඉස්සර සෑම දහම්පාසල් දිනෙකම සියළු කටයුතු හමාර කොට ශිෂ්‍ය නායක මණ්ඩලය පොතේ අත්සන් කර නිවෙස් වලට යන්නට පෙර ගුරුවරු හමුව වැද අවසර ගන්නා සිරිතක් විය. බොහෝ විට අපි කරන්නේ කාර්්‍යාලයට රිංගා ඇතුලේ සිටින පිරිසට පෝලිමේ වැදීමය. එවන් අවස්ථාවල බොහෝවිට කාර්්‍යයාලය ඇතුලේ ඔවුන් සිටින්නේ අඩ කවයක් ආකාරයට සිට ගෙනය. අපේ මුලින්ම යන එකා කරන්නේ එක කොනකින් දණ ගසා ඒ සිටියදීම එහා පැත්තේ දෙදෙනෙක්ට ද වැද, ආයෙත් නැගිට හතර වෙනි ගුරුතුමා අසල නැවත දණ ගසා එසේ දණ ගසාගෙනම එහා පැත්තේ දෙදෙනෙකුට වැදීමය. එසේ සිදු කලේ කොන්දේ අමාරුව හදාගෙන නැගිට, නැගිට, දණ ගැසීම අවම කිරීමටය.

එදින මුලින්ම ගියේ තිලාන්ය. සෑමා සිටියේ 4 වෙනියාට පමන වන්නටය. කට්ටිය ගුරුවරුන්ගේ මුහුනක් වත් නොබලා දණ ගසා බඩගාගෙන වැදගෙන යන්නෝය. ඒ අතර සෑමාද අඩ කවයක් ආකාරයට සිටින ගුරුවරු නමදිමින් පෙරට ආවේය. අවසාන ගුරුවරු දෙදෙනාට පෙර ගුරුතුමා අසල දණ ගැසූ සෑමා එසේ දණ ගසාගෙනම එහා පැත්තේ ගුරුවරු දෙදෙනාගේ මුහුන වත් නොබලා වැන්දේය. එසේ වැද නැගිට බලද්දී කෙළවර සිටගෙන සිට ඇත්තේ ගුරුවරයෙකු නොව මුලින්ම ඇතුලට ගියා තිලාන්ය. ඔහු සියල්ලට වැද නමස්කාර කොට අවසාන ගුරුතුමා සමග කතා බහ කරමින් සිට ඇත.

සෑමා තිලාන් ගේ දෙපා නැමද නැගිටිද්දී අපේ එවුන් හිනාව තද කරගෙන කාර්්‍යාලයෙන් එලියට පැන ගත්තේ ඇති තරම් සිනා වෙන්නටය. වූ විලි ලැජ්ජාව සෑමා ඉවසා සිටියේ තල්ලේ චුයිංගම් එකක් අලවා ගලවා ගන්නට බැරිව දගලන පොඩි එකෙක් මෙන්ය.

Written by sAm_11.20pm_07.06.2012

‍පො‍සොන් කලාපයක අවසානය.

• නූතන චක්ඛුපාල ලා
• අද බිපාෂා බලා - හෙට පොසොන් සද බැලීම
• වියපත් බැඹරිය

පොසොන් කලාපයට දායකත්වය දුන් ඔබ සැමට සහ 2011 වසරේ සැප්තැම්බර් 17වෙනිදා සෑමාගේ පලමු පෝස්ටුවේ සිට පෝස්ටු 114ක් සමග එකතු වූ, මාස නවයක කාලයක් ඇතුලත බ්ලොග් හිට්ස් 100,000ක් ලබා දෙමින්, ඔබේ මහන්සියෙන් සෑමා ලක්ෂපතියෙක් කරවූ සැමට උතුම් ආරෝග්‍ය සම්පත්තිය ලැබේවා. සියල්ලෝම ලක්ෂපතියෝ වේවා.

සැමට තෙරුවන් සරණයි !!!

පලි - මම අපේ එකෙක්ට කිව්ව මචං "මගේ බ්ලොග් හිට් ලක්ෂයක් වෙලා" කියල, පොර අනිත් පැත්තට කිව්ව "අඩෝ ඉතිං අපරාදෙනෙ තියාගෙන ඉන්නෙ මාරු කරල සල්ලි ගනින්" කියල. පොර බ්ලොග් ගැන නොදන්නා, කොටස් වෙලද පොල ගැන දන්නා මිත්‍රයෙක්ය.

නූතන චක්ඛුපාල ලා.. - සෑමාගේ පොසොන් කලාපය

ඒ මතුගමය. දින දෙකක රාජකාරී වැඩකට සෑමා ගාල්ල බලා පිටත් වුයේ බොසා සමගය. ඒ අතර මතුගම ෆාමසියකට ගොඩවන්නට අපට සිදුවිය. මතක හැටියට නිව් මෙට්ට්‍රෝ ෆාමසි කියා නම් කර තිබ්බේය. ෆාමසිය ඉදිරිපිට බිම හිදගෙන හිගන මනුස්සයෙක් ආහාර ගිල දමන හැටි අප‍ දෙදෙනාම දුටු නමුත් ඒ ගැන කිසිදු කතාවක් අප අතර ඇති නොවින. ඒ පුද්ගලයා මනුස්සාත්මය ලදත්, තිරිසන් භවයක ඉපිද සිටින ආකාරයෙන් ෆාමසිය ඉදිරිපිට බත් වපුරමින් අනුභව කරන හැටි බොහෝ දෙනාගේ නෙත ගැටෙන්නට විය. එසේම සියල්ල අවසානයේ ඔහුට බීමට වතුර පවා දුන්නේ ෆාමසියේ වැඩ කරන අයෙක්ය. තම ආයතනය ඉදිරිපිට අපිරිසිදු කරමින් කටයුතු කළ හිගන්නාට බැන නොවැද පානයට ජලය පවා දී පිටමං කරන්නට තරම් මොවුන් කාරුණික බව සියල්ලන්ටම පසක් වන්නට වැඩි වෙලා යන්නට නැත්තේය.

ඒ අතරතුර ෆාමසියට ආවේ තවත් වයසක, අපිරිසිදු සීයා කෙනෙක්ය. ඔහු ෆාමසියේ හිමිකරු ඇමතුවේය.

"මහත්තයා මට ඇස් පේන බෙහෙතක් දෙන්න"

"ඇස් පේන බෙහෙත්, කොහෙද තියෙන්නේ ?" ඒ හිමිකරුය.

"තියෙනව නේද මහත්තයා, ඇයි මම වෙනදට ගන්නව නේ" නැවත ඒ සීයාය.

"කවුද ඔයාට එහෙම බෙහෙතක් දුන්නේ.." අපේ බොසා මැද්දට පැන්නේය.

"ඇයි මහත්තයෝ එහා පැත්තෙ ෆාමසි එකෙන් මට වෙනදට දෙනවා. ඒකයි මෙහෙන් ඉල්ලුවේ."

බොසා, සෑමා, සහ ෆාමසි අයිතිකරු මුහුනට මුහුන බලා ගත්තෝය. වැඩේ පැහැදිලිය. බොරු බෙහෙත් පොවා සීයාව රවටා ඇත්තේය.

"අංකල් වෙනදට රුපියල් කීයක බෙහෙත් බොනවද?" ඒ සෑමාය. බ්ලොග් පෝස්ටුවට කරුණු අවශ්‍යය නිසාය.

"පෙති ටිකක් දීල මගෙන් 50/-ක් ගන්නවා."

"මට අංකල්ලේ ඇස් පේන්න ඔන්නම් සතියකට බෙහෙත් දෙන්න පුලුවන්. ඒත් එහෙම හම්බ කරන්න බැහැ අපිට. ඔය මිනිස්සුන්ගේ බොරුවලට අහුවෙන්න එපා" කියා ෆාමසි හිමිකරු සීයාව පිටමං කලේය.

"බලන්න මේ මිනිස්සු කරන වැඩ. අහිංසක මිනිස්සුන්ව රවට්ටලා හරි සල්ලි හම්බකරනවා" කතාව ඇරඹුනේය.

"ඔයා දන්නවද චක්ඛුපාල ‍තෙරුන්ගේ කතාව" ඒ ෆාමසි හිමිකරුය. ඇසුවේ සෑමාගෙන්ය.

"අර ඇස් අන්ධ වෙන්න බෙහෙත් කරපු කතාව නේද?" කතාව දන්නා බැවින් සාරාංශ ගතව සෑමා උත්තර දුන්නේය.

චක්ඛුපාල තෙරුන්ගේ කතාව මෙසේය.


අපේ බුදු රජාණන් වහන්සේ සැවැත් නුවර වැඩසිටිද්දී උපාලි නම් පින්වතෙක් සසර දුකෙන් මිදෙන අදහසින් පැවිදි වුනේය. පසුව ධර්ම විනය ඉගෙන ගෙන තවත් ස්වාමීන් වහන්සේලා සමඟ ඈත පළාතක භාවනා කිරීමට පිටත් වීය. එහිදී ඒ ස්වාමීන් වහන්සේට නිදි නො ලබා භාවනා කිරීම නිසා ඇස් රෝගයක් හට ගත්තේය. වෙදමහත්තයා කිව්වේ ඇහැට බෙහෙත් දමද්දී ඇඳේ හාන්සි වෙන්න කියාය. බෙහෙත් අතටගත් ඒ ස්වාමීන් වහන්සේ මෙසේ කල්පනා කලේය.

“මං සංසාරෙ කොයිතරම් මේ ඇස් නිසා දුක් විඳින්න ඇද්ද … බෙහෙත් දම දමා කොතරම් මහන්සියකින් ඇස් දෙක සනීප කිරීමට වෙහෙස ගන්ට ඇද්ද … නමුත් මට කිසිකලෙක දී නුවණැස පාදන උතුම් ශ්‍රී සද්ධර්මය මේ ලෙසින් ලැබුණේ නෑ. උතුම් බුදු රජාණන් වහන්සේ වැඩසිටිද්දී මට ඔන කරන්නේ මේ ධර්මය අවබෝධ කරගැනීම විතරයි. ඒ නිසා වස් වසන්න කලින් මං අධිෂ්ඨාන කර ගත් විදිහට අරහත්වයට පත් නො වී මිසක් ඇඳක හාන්සි වෙන්නේ නැහැ”

ඒ අදහසේ පිහිටා සිට උන්වහන්සේ හිටගෙනම ඇස් වලට බෙහෙත් දැම්මෝය. තමන් ගේ අධිෂ්ඨානය රැක ගන්නට වෙද මහත්මයා ගේ කීම‍ නොඇසුවෝය. මේ නිසා බෙහෙත්වලින් සුව නොලැබීය. වෙද මහත්මයා බෙහෙත් කිරීම අත්හැරියේය. අවසන උන්වහන්සේ අරහත්වයට පත් වෙන විට ඇස් දෙකම අන්ධ වීය. ඒ නිසා උන්වහන්සේට ප්‍රසිද්ධ වුණේ චක්ඛුපාල යන නමින්ය. රහත් වෙන්න පින තිබුණත්, ඇස් අන්ධ වුණේ මක් නිසා ද? කියා අනෙක් ස්වාමීන් වහන්සේලා බුදු රජාණන් වහන්සේගෙන් ඇසුවෝය. එවේලෙහි බුදු රජාණන් වහන්සේ මේ ගාථාව වදාලෝය.

මනෝ පුබ්බංගමා ධම්මා

මනෝ සෙට්ඨා මනෝමයා

මනසා චෙ පදුට්ඨෙන

භාසතිවා කරෝතිවා

තතෝනං දුක්ඛමංවේතී

චක්කංච වහතෝ පදං

සියලු ක්‍රියාවන්ට සිත මූලික වෙන්නේය. චෛතසික ධර්ම නැතහොත් සිතිවිලි සිත මුල් කොට ගෙන උපදින්නේය. ලෝභ, ද්වේශ, මෝහ යන අකුසල වේතනාවන්ගෙන් යුක්තව අයහපත් සිතින් පුද්ගලයා සිදුකරන අයහපත් ක්‍රියාවන්ගේ දුක්ඛ විපාක ගැල බැඳි ගොනා පසුපස ඇදෙන කරත්ත රෝදය මෙන් පුද්ගලයා පසුපස පැමිනෙන්නේය.

ඔය ගාථාව වදාළ බුදු රජාණන් වහන්සේ කිසිවෙක් නො දන්නා අතීත සිදු වීමක් මේ ඇස් අන්ධ වීමට බලපා තිබෙන බව පෙන්වා දුන්නෝය. ඈත අතීත කාලයක චක්ඛුපාල ස්වාමීන් වහන්සේ වෙද මහත්තයෙක් වී සිටියේය. ඇස් නො පෙනෙන දුප්පත් ගැහැණියක් ඇවිදින් ඒ වෙද මහත්තයාට මෙහෙම කිව්වාය “අනේ පින්වත් වෙද මහත්තයෝ, මගේ ඇස් දෙක සනීප කරල දෙන්න. එතකොට මං දාසියක් වගේ ඔබ ළඟ සේවය කරනවා.” මෙය විශ්වාස කළ වෙද මහතා ඇය ගේ ඇස් දෙක සනීප කලේය. දාසියක් වීමට අකමැති වූ ඇය ඇස් නො පෙනෙන අයුරක් පෙන්වා වෙද මහතා ගේ බෙහෙතෙන් සනීප නො වුණ බවට බොරු කිව්වාය. වෙද මහතාට හරියට තරහ ගියේය. “මං තිගේ ඇස් දෙක අන්ධ කරල දානවා” කියලා වෛර බැඳගත්තේය. ආයෙමත් ඒ ගැහැණිය කැඳවා ඇස් අන්ධ වෙන බෙහෙතක් දුන්නේය. ඒ බෙහෙතෙන් ඇය අන්ධ වුවාය.

ඒ කර්මයේ ප්‍රථිඵලයක් ලෙස උන්ව‍හන්සේ රහත්ව සිටියදී පවා දෙඇස් අන්ධ වුයේය. එලෙස තමා කරන සියළු කර්ම (හොද හෝ නරක) තමා පසුපස එන බවක් බුදුන්වහන්සේ වදාලෝය. නූතන චක්ඛුපාල ලා ලාභ අපේක්ෂාවෙන් කරන සියළු නරක ක්‍රියාවලටද ප්‍රථිඑල ලැබෙන බව සිතා ගත යුත්තේය. එම සිදුවීම් ඇසුරෙන් යහපත් ක්‍රියාවල යෙදී අප ජීවිත යහපත් කරගත යත්තේය.

තෙරුවන් සරණයි... !

Written bY sAm_7.15pm_06.06.2012

පලි - දිනේෂ් ඉතාලියේ කෝමද දන්නෙ නැහැ නේද ? ඒ ෆාමසි වල එවුන් කෙල්ලෝ දිහා බලං ඉන්නවා විතරලු නේද ?

අද බිපාෂා බලා - හෙට පොසොන් සද බැලීම.. - සෑමාගේ පොසොන් කලාපය

සෑමා පොසොන් කලාපය ලියුවේ සිත් නිමා සනසාලන්නටය. එසේම වැදගත් පණිවිඩ සැමට ගෙන ඒමටය. සියල්ල එසේ තිබියදී කිව යුත්ත කිව යුතු තැනදී නොකියා සිටීමට සෑමාගේ සිත සූදානම් නැත්තේමය.

මෑතකදී සෑමාගේ ගමේ අවුරුදු උත්සවයක් තිබුනේය. එය සුපුරුදු පරිදි වාර්ෂිකව පැවැත්වෙන එකක්ය. සෑම වසරකම එය අවසන මහා සංගීත රාත්‍රියක් පැවැත්වෙන්නේය. සියල්ලට මුල් වී කටයුතු කරන්නේ සෑමාගේ ලගම මිත්‍රයෙක්ය. ගිය වර උත්සවයේදී සියල්ලට සහය දුන් ගමේ අයියා කෙනෙක් මිය ගිය නිසා මේ වස‍රේ උත්සවයෙන් සංගීත ප්‍රසංගය ඉවත් කිරීමට කල් තියාම අදහස් කොට තිබිනේය. එහෙත් රාත්‍රියට මුකුත් නැතිවම බැරි නිසා පුංචියට නර්තන ප්‍රසංගයක් සංවිධානය වුවේය. ඒ අතරම ගමේ පන්සලේ පිංකමක්ද රාත්‍රි 8ට පැවැත්වෙන බවක් කී නිසා එකී ප්‍රසංගයද පැය දෙකක් පමණ පමා කරන්නට සංවිධායක මණ්ඩලය තීරණය කලෝය. ඒ ගමේ මිනිස්සු දැහැමිව කටයුතු කරන ආකාරය විදහා දක්වන්නක්ය.

මේ තත්වය ජාතික මට්ටමට එන විටදී අදාල පුද්ගලයන්නේ බුද්ධිය හා දැහැමි බව මීට වඩා උසස් මට්ටමක තිබිය යුත්තේ නොවේදැයි අපේක්ෂා කරන්නේ ඡන්දය ගැසූ ජනතාවය. එසේම එය ඊටත් වැඩිය බලාපොරොත්තු වන්නේ ඡන්දය නොදුන් ජනතාවය.

අද රාත්තිරියේ ලංකාවට වැඩම කරන්නේ හොලිවුඩයේ සරාගීම නිලියක්ය. ඒ බිපාෂාය. ඇය මෙන්ම සමීරා රේඩ් නම් තවත් සරාගී නිලියක් වැඩම කරන්නීය. ඒ ජම්බුද්වීපයෙන්ය. බිපාෂාගේ පරිවාර සේනාව ලෙස තවත් 15ක කණ්ඩායමක්ද ලංකාද්වීපයට වැඩම කරන්නේය. ඒ සියල්ලට ඇස්තමේන්තු කළ මුදල කෝටි 6ක්ය. එසේම සියළු ජම්බුද්වීපයෙන් එන කලාකරුවන් වෙනුවෙන් වියදම රුපියල් කෝටි 15ක්ය. 

හෙට රාත්තිරියේ පායන්නේ පොසෙන් සදය. ඒ අනුබුදු මිහිදු හිමි වැඩම කළ දිනයය. උන්වහන්සේ වැඩියේද ජම්බුද්වීපයෙන්ය. ඒ සරාගී නිලියන් රැගෙන නොව, සිත නිවන උතුම් ධර්මයක් රැගෙනය. ඒ සමග කෝටි ගණන් මුදල් වැය කොට පිරිසක් වැඩම නොකලේය. ඉත්ථිය, උත්තිය, සම්බල, භද්දසාල, සුමන සාමනේර හා භණ්ඩුක උපාසක යන පිරිසක් වැ‍ඩමකලෝය. සිත අවුල් කරන කාමුකත්වය වෙනුවට ඒ පිරිස වැඩියේ මෙරටටම කියා තවත් කලා ශිල්ප රැසක් (මතක හැටියට 16ක්) රැගෙනය. සියල්ල නොමිලේය. කෝටි ගණන් වියදම් දේවානම්පියතිස්ස රජු නොකලේය.

උන්වහන්සේලා වැඩම කලේ මිහින්තලාවට හෙවත් මිස්සක පව්වටය. රාජ්‍යය පොසොන් උත්සවය පැවැත්වෙන්නේ තන්තිරිමලේය. එහි වරදක් කීම සුදුසු නැත්තේය. ස්ථානය කෙසේ වෙතත් වැදගත් දෙයක් කිරීම උතුම්ය. ගැටළුව ඇත්තේ උත්තරීතර ධර්මයක් වැඩම කරවූ දිනට පෙර දිනයේ, එම ඒ ධර්මය වැඩම වූ දේශයෙන්ම සරාගී නිලියන් ආනයනය කිරීමය.

මිහිදු හිමි නම් මහින්ද හිමිය. එ හිමිගේ ගිහි කළ පියා ධර්මාශෝකය. පිය පුතු දෙදෙන එක්ව ධර්ම ප්‍රචාරයට කැප වූයේය. එහෙත් පිය පුතු වරුන් එක්ව රටක් තනන්නට, දහම් බෙදන්නට වෙහෙසුනේ ඒ කාලයේ පමණක්ය. ධර්මාශෝක රජු දසරාජ ධර්මයෙන් රට කළ ඇත්තෙක්ය. දිග් විජය අතැර ධර්ම විජය ඇසුරු කළ උත්තමයෙක්ය. බුද්ධ ධර්මයේ වදාල එහෙව් දස රාජ ධර්ම මෙසේය. එය වර්ථමානය හා සසදමින් පහල දැක්වෙන්නේය.

• දානය - දොලොස් මහේ දන්සැල්ය.
• ශීලය - මසකට වරක් හෝ තෛයිනායික භික්ෂුන් වැද පුදා ගන්නේය.
• පරිත්‍යාගය - ඒ ගොස් පිරිකර පූජා කරන්නේය.
• ඍජු ගතිය - පොඩි මිනිසා ඉදිරිපිට සෘජු වූ නීතියද, ලොකු මිනිසා ඉදිරියේ වක් වූ නීතිද ඇත්තේය.
• මෘදු ගතිය - සම නම් මෘදුය.
• තපස - උපාසකය.
• අක්‍රෝධය - වේදිකාවේ කතා කරන විට පවා උතුරන්නේය.
• අවිහිංසාව - 'අවි'හිංසාව ඇත්තෙය.
• ශාන්තිය - උපරිමය.
• මෛත්‍රීය - උතුරන්නේමය.

තත්වය එසේය. පොසොන් සදට පෙර දින ලෝකයට ණය වී සරගී නිලියන් ආනයනය කරන්නේය. කුසට අහරක් නැතිව පිරිස් මහ මග හිගා කද්දී රටේ ජනයාගේ බදු මුදලින්, අයෙක් සැප ගන්නේය. කළ යුතු දේ කළ යුත්තේමය. නොකළ යුතු දේ නොකළ යුතුමය. බඩේ හැටියට කෑමට එක කටක් පිහිටියේය. අය වැයේ හැටියට ජනයා තෘප්තිමත් කිරීමටද, අහිතකර නොවැදගත් වියදම් කොට ලෝකයට පරකාසි පෙන්නා ලබන තාවකාලික තෘප්තියට වඩා ජනයා සුඛිත මුදිත කිරීමට සුව පහසුකම් ඇති කිරීම වැදගත්ය.

සෑමා අද දහම් කවි පසෙක තබන්නේය. පසෙකින් චාමර වීරසිංහගේ ගීතයක් වාදනය වන්නේය.

බල උමුතුවෙන් මත් වෙලා

රාගයට ලොල් වෙලා

මනස වීදෝ මුලා

සුමුදු මල පරවෙලා.....

අදුර ලොව රජ වෙලා

මිනිස් සිත ගොලු වෙලා

විශ්වයම වී මුලා

දහම ඇත සැගවිලා.....

සිත නිවන පොසොන් සතිය තුල ද්වේශ සහගත සිතුවිල ඉපදවූයේ නම් සමාව. එහෙත් සෑමා ලීවේ ද්වේශයෙන් තොරව නිසා, ඔබත් ද්වේශයෙන් තොරව කියවන්න.

උස් තැන් දැක හැකිළෙන්නේ

මිටි තැන් දැක පුප්පන්නේ

නිවටුන් බව සිතමින්නේ

මගෙ පුතා ලොකු වෙන්නනේ

- ටිබෙට් ජාතික එස් මහින්ද හිමි.

කිව යුත්ත - කිව යුතු තැන - කිව යුතු මනාය.. 

ඉතිං අද අප ඇය සමග රැය ගෙවා හෙට රාත්‍රිය පොසොන් සද සමග ගත කරමු.

Written by sAm_10.15pm_03.06.2012

පලි / 06.06.2012_11:20pm -

වැදගත් කමෙන්ටු කිහිපයක් වැටුන නිසා ඊයේ ඉරිදා මව්බිම (03.06.2012) පුවත් පතේ මුල් පිටුව මෙසේ අමුණමි. නිලියන් ගෙන්වීමට වඩා මිහිදු ප්‍රතිමාව පිරිසිදු කිරීමට මුදල් යෙදවීමට තරම් රාජ්‍යය අංශය නොසිතීම දුක්ඛිතය.

http://www.mawbima.lk/e-paper.php